Dwata 12:4 - Udél Dwata: Gna Kesfasad ne Lomi Kesfasad

⁴ Bè yóm gel ktaba ye ebè yóm sana kuy Dwata hol gónó mogot, hol bê ye abay dnalang yóm kul kmò ktaba ebè yóm kul dwata kéng yó kem tau bè yó.

Dwata 12:4 Referans Kwoze

Dwata 12:3

Genbà ye yó kem gónó le gel demsù ne gotu lenusok ye yó kem hehek botu deng hetfing le ebè yóm kul dwata. Nlób ye yó kem hehek nmò le ilô yóm dwata libun le boluyen Asira ne gotu nofok ye yó kem dwata lennged le anì laen dù bud gónó le e tmaba.

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

1 Bok Kem Tau Hol Geta 14:15

Angat gotu tnafak Dwata lu yó kem tau Israél, lómón kmoen kul lómón yóm teblow kohil bè lel él tolo mogot bè buten. Angat gotu kenduten lu yóm kdéen tau Israél ta yóm tonok hyu deng tehe blay Dwata yó kem tehe fù le, ne angat gotu senklahen lu sentu yóm Él Yufratis, yakà deng hebut le ke Dwata bè yóm ktaba le bè hehek yóm dwata libun boluyen Asira.