Dwata 12:3 - Udél Dwata: Gna Kesfasad ne Lomi Kesfasad

³ Genbà ye yó kem gónó le gel demsù ne gotu lenusok ye yó kem hehek botu deng hetfing le ebè yóm kul dwata. Nlób ye yó kem hehek nmò le ilô yóm dwata libun le boluyen Asira ne gotu nofok ye yó kem dwata lennged le anì laen dù bud gónó le e tmaba.

Dwata 12:3 Referans Kwoze

Kmukum 2:2

Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.

Lista 33:52

hol gotu lo ye lu yó kem tau nô bè yóm benwu yó. Gotu genbà ye yó kem dwata kéng gel nmò le bè botu ne bè yó kem dumu gel tenwél le. Gotu genbà ye snéen yó kem gónó le gel tmaba ebélê le.

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Kem Lingón 16:4

Okóm yó kem tau kendel gel mlóy ebè yó kem dwata kéng, tey dê gfà le bè klowil le. Là kóe mung bélê le ke sok le demsù, ne là kóe tmaba ebè yó kem kul dwata kéng yó.

Dwata 7:5

Yó gónóm mon, gotu genbà ye lu yó kem kul gónó demsù, lenusok ye yó kem hehek botu deng hetfing le ebè yóm kul dwata lennged. Nofok ye yó kem hehek deng hdà le ilô yóm dwata libun le boluyen Asira ne gotu dnutung ntem ye lu yó kem dwata lenbù deng nmò le.

Deng Hegfan 13:1

Ne tódô tonu se yóm sotu ógóf lóbô hesut gu lem mohin. Hitu kuluhen, ne sfolò hangahen. Ne sket wen kuruna bè yó kem hangahen, ne tódô ket kuluhen gónóhen gsulat yóm udél hemnê ke Dwata.

Mika 5:14

Angat hnugónu yóm dwata lennged libun bnoluy ye Asira sù ye lem benwu ye ne gotu genbau yó kem syudad gónóhen nô.

Husiya 2:17

Là bud htóngu du bè sumóng ye ne yó kem kun boluy Baal ne là se bud bnoluy ye kul ne.

2 Tutul Israél 34:3

Bè yóm deng gwoluhen halay kmamal benwu, hanà tolo ngà he, bede nbuten ne lemolò ke Dwata yóm Dwata yóm fuen Dabid. Ne tikóng deng sfolò lewu halayen mogot benwu, nbuten hfólós du yóm benwu Juda ne Jirusalim mlan bè kehegbaen yó kem gónó le tmaba ebè yó kem dwata kéng, ne hlusoken yó kem hehek yóm dwata libun boluyen Asira, ne yó kem lennged nmò le kul dwata gel nmò le gu bè koyu, dalang se yó kem dwata lennged gel tenwél le.

2 Tutul Israél 31:1

Timbow deng kmò le du yóm kehligal yó, yó nmò yó kem tau Israél nô bè yó, mógów le ebè yó kem syudad bè klamang Juda ne Bindyamin ne Ifraim ne Manasi, gotu lenusok le yó kem hehek botu, ne nofok le yó kem hehek yóm dwata libun boluyen Asira bè yó kem benwu yó, ne gotu kó le yó kem gónó le gel tmaba ebè dwata kéng, dalang se yóm gónó le gel demsù ebélê le. Tikóng deng gotu deng kegbà le kul, omin le mulék ebè kul benwu yó kem tau Israél yó.

2 Tutul Israél 19:3

Okóm wen se hyu bè yó kem gel nmoem, duhen yóm kkóhem du bè klamang Juda yó kem hehek yóm dwata kéng boluyen Asira. Ne sotuhen yóm hol knóen bè nawahem yóm kebelem du yóm kun kóyô Dwata.”

2 Bok Kem Tau Hol Geta 23:14

Gotu lenusoken yó kem hehek botu ilô yó kem dwata le bè yó, ne bud hofoken yó kem hehek yóm dwata libun boluyen Asira. Ominen gholu du yóm benwu yó mlan bè kbuléten bè yó yóm tiol yó kem tau deng matay.

2 Bok Kem Tau Hol Geta 18:4

Gotu genbaen yó kem gónó le gel tmaba ebè yó kem dwata kéng, ne gotu lenusoken yó kem hehek ilô yó kem dwata kéng le, ne hofoken yóm lennged yóm dwata kéng le boluyen Asira. Gotu lenusoken snéen yóm ulal tembaga tehe nmò Musis, abay se efet bè yóm kdaw yó mo le mom mtem insinsu ebè yóm ulal yó, yó kem tau Israél, yóm bnoluy le Nihustan.

1 Bok Kem Tau Hol Geta 15:13

Balù Maaka yóm béhen, botong hdóhen bè kboihen lanen hmò yóm hehek bè yóm dwata libun alì kenbê boluyen Asira. Gotu hofok Asa yóm heheken yó, ne ntemen ditu bè Datal Kidron.

2 Tutul Israél 14:3

Gotu kóhen yó kem gónó demsù ebè yó kem dwata kéng, ne yó kem gónó le tmaba kul. Gotu hlusoken snéen yó kem hehek botu le, ne hofoken hehek yóm dwata libun boluyen Asira.

Kehewà 23:24

Hol bê ye abay mtud bukol bè kul dwata lennged ne hol bê ye abay gbót tmaba ebélê le ne hol bê ye abay lolò yóm kul gel hlolò bè yóm ktaba le ebélê le. Yó hmou kuy, gotu genbà ye yó kem dwata kéng gel nmò le ne gotu hnugón ye yó kem hehek botu gónó le gel tmaba ebélê le.

Kehewà 34:13

Yó dé nmò ye, gotu genbà ye yó kem gónó le gel demsù ebè yóm kul dwata. Hnugón ye yó kem hehek botu tahà gónó le gel tmaba ebélê le ne nofok ye yó kem dwata lennged le.

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Dwata 12:4

Bè yóm gel ktaba ye ebè yóm sana kuy Dwata hol gónó mogot, hol bê ye abay dnalang yóm kul kmò ktaba ebè yóm kul dwata kéng yó kem tau bè yó.

1 Bok Kem Tau Hol Geta 14:15

Angat gotu tnafak Dwata lu yó kem tau Israél, lómón kmoen kul lómón yóm teblow kohil bè lel él tolo mogot bè buten. Angat gotu kenduten lu yóm kdéen tau Israél ta yóm tonok hyu deng tehe blay Dwata yó kem tehe fù le, ne angat gotu senklahen lu sentu yóm Él Yufratis, yakà deng hebut le ke Dwata bè yóm ktaba le bè hehek yóm dwata libun boluyen Asira.

2 Bok Kem Tau Hol Geta 11:18

Omin le gotu mógów ebè gónô Baal yóm kdéen tau ne gotu genbà le. Bud genbà le snéen yó kem gónó demsù ebéléen, ne yóm lenngeden gotu lenusok le. Ne hnatay le Matan yóm tau gel blóng ebè Baal bè yó bè solu yó kem gónó gel demsù ebè Baal. Omin Jihuyada hemsù kem tau mentey bè yóm Gónô Dwata.

2 Tutul Israél 14:2

Sal gel hyu yóm nmò Asa, ne tedeng bè kton Dwata du yóm Dwata hol kun gónó mogot.