Dwata 12:29 - Udél Dwata: Gna Kesfasad ne Lomi Kesfasad

²⁹ Yó angat nmò yóm sana kuy Dwata hol gónó mogot, angat gotu genlaen yó kem hohon ye bè yóm igò ye mled yóm tonok le ne angat tles gfun ye yóm tonok yó ne angat ye henek menwu tahen.

Dwata 12:29 Referans Kwoze

Juswa 23:4

Deng sket nólólu bè yó kem ból ye klamang nim tonok ni lenwóten bè Él Jurdan fi dmata kdaw efet kól bè Mohin Miditiranyan fi desdef. Yóm kul tonok yó kem tau deng hdó tekuy dalang se yóm kul tonok yó kem tau tolo tebel tahen deng gotu nólólu bélê ye.

Kem Lingón 78:55

Deng gotu lohen yó kem tau tehe nô bè yóm benwu yó. Nólólen yóm tonok le mò blayen yó kem tau Israél mò nfun le. Ne bè yó gónón hemsù kul yó kem tau Israél.

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Kehewà 23:23

Yóm hógówu gu bè longit eles tukô gna kuy ne nwiten yu ebè yóm benwu gónó le nô yó kem tau Amurayt ne yó kem tau Hitayt ne yó kem tau Pirisayt ne yó kem tau Kananayt ne yó kem tau Hibayt ne yó kem tau Jibusayt. Ne yó angat nmou bélê le ni kem tau ni angat gotu genlau lu.

Dwata 12:30

Kogol yóm keglà Dwata kul yó kem dumu but tau yó, hol bê ye abay lolò yóm kul kmò ktaba ebè yó kem kul dwata abay se bè yó gónó ye gholot. Hol bê ye abay hménég bè yóm kul kmò ktaba ebè yó kem kul dwata kéng ke tô dnalang ye.

2 Tutul Israél 33:2

Nmò Manasi yóm sidek bè kton Dwata du, loloen yóm alì kenbê nmò yó kem tau deng hdó Dwata ta yóm tonok blayen yó kem kun tau Israél.