Biblia Todo Logo
Bib sou entènèt

- Piblisite -




Dwata 12:25 - Udél Dwata: Gna Kesfasad ne Lomi Kesfasad

25 Bê ye abay ken, anì hyu kógów klowil ye dalang se yó kem ngà ye, abay se nmò ye yóm hyu bè kton Dwata du.

Gade chapit la Kopi




Dwata 12:25
16 Referans Kwoze  

Ke hol hnungolem nim tulónu kóm ni, ne ke hol loloem yóm dou lan, ne ke nmoem yóm tedeng bè ktonu du, ne ke nimónem yó kem dou hlau lómón yóm kun gel nmò Dabid yóm tau tóbóng lówóhu, tendohe nô béléem. Angat nmou uu mò tau hol geta bè Israél, ne angat le setles mogot benwu huli kóm yó kem sfuhem, lómón yóm deng nmou bè Dabid.


Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.


Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”


Hol nmò ye yóm tedeng ne hyu bè kton Dwata du anì hyu kógów klowil ye. Ke ni se nmò ye, angat ye gemfun bè yóm tey tonok hyu deng fasad Dwata yó kem fù ye ekni


Ni hol tulónem yó kem tau yó yóm udél yóm sana Dwata hol dandónen geta, yó monen, Deng gel ken ye yóm utón mung du litóen, deng ye tmaba ebè yó kem dwata kéng ne deng hnatay ye yó kem tau laen dù salaen. Knóón kô ke kuy funen yóm tonok yó?


Yó kem ngaen, angat le tey mbegel lem benwu. Ne yó kem semfu gu béléen, angat tey któbóng Dwata kul.


Hol ye hteneb mimón du yóm kdê deng hlauhu kuy anì laen dù sónen yóm kehyu kógów klowil ye dalang se yó kem ngà ye. Yó gónón laen dù sónen abay se nmò ye yóm tedeng ne yóm gónón hyu nawa Dwata bélê ye, yóm sana kuy Dwata hol gónó mogot.


Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.


Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”


Hol bê ye abay ken yóm litô. Yó kmò ye du, tódô kok ye ete tonok lómón kkok ye du él.


Swiv nou:

Piblisite


Piblisite