Dwata 12:17 - Udél Dwata: Gna Kesfasad ne Lomi Kesfasad

¹⁷ Okóm yó kem ógóf gel dsù ye ebè Dwata, hol bê ye abay ken bè yó kem benwu gónó ye nô. Balù yóm bad ye ke Dwata bè yó kem halay ye ne bè yóm tifas grép gel ninum ye kkólen bè hnolo ulib ye, hol bê ye abay ken bè yó kem benwu gónó ye nô. Ne balù yóm tanay ngà yó kem safì ye ne tanay ngà yó kem ubiha ye, hol bê ye abay ken bè yó. Ne yó kem dumu basa deng fasad ye ke Dwata ne yó kem basa tódô kuy nawa du ne kihu yó kem dumu gel basa ye du, hol bê ye abay ken bè yóm kuy benwu.

Dwata 12:17 Referans Kwoze

Dwata 26:14

Bè yóm tehe kodungu, laen kô dù naw e ken du nim badu kóm ni ne laen kô deng nwahu du bè yóm là deng khólósu bè soluhem. Laen se dù deng nwahu du ke mò blayu bè tau matay. Deng nimónu u Dwata ne deng gotu nmou yóm kdê hloloem kum gbak bè keblay bad ebéléem.

Dwata 12:6

Bè yó gónó ye gel demsù yó kem dsù gel hkekeb ye ebéléen ne yó kem dumu gel dsù ye. Bud bè yó snéen gónó ye mit du yóm gesfoloen gel bad ye du ne yó kem dumu tódô gel basa ye du ne yó kem basa deng fasad ye du ne yó kem basa tódô kuy nawa du. Kkólen bè yóm tanay ngà yó kem safì ye ne tanay ngà yó kem ubiha ye, bud bè yó gónó ye e mit du.

Dwata 26:12

Bè ket getluhen halay, hol blay ye yóm gesfoloen gel bad ye ke Dwata bè kem hulu ye bè yó kem sfu Libay ne bè yó kem tólóng tau menwu lem blóng ye ne bè yó kem ngà hikit ne bè yó kem libun bolu. Yó gónó ye mò du nim ni, anì yó ket tau bè ket benwu ye wen kun gónó ma mò ken le. Ke deng nmò ye nim ni,

Dwata 12:26

Okóm yó kem ógóf gel dsù ye ebè Dwata dalang se yó kem basa deng fasad ye du, hol nwit ye ebè yóm sotu benwu angat nélék Dwata mò gónó ye gel tmaba ebéléen.

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

1 Kurin 10:18

Bud sotuhen se, hendem ye yóm kul kmò yó kem tau Israél. Yó kem tau gbót mken bè yóm ken deng dsù le bè Dwata, deng gbót tmaba bè Dwata ne yóm tau yó.

1 Samwél 1:4

Bè yóm kdaw gel kedsù Ilkana ebè Dwata, sal gel wen umunen ke Pinina, ne senket numunen se yó kem ngaen.

2 Tutul Israél 31:14

Wen sotu tau boluyen Kuri ngà Imna, sotu sfu Libay gel mentey bè yóm bak tikeb Fi Dmata Kdaw, du se nélék le mò mólól du yóm kdê gel blay le ke Dwata, ne yó kem basa le du, ne yó kem deng hetfing le ebéléen.