Dwata 12:16 - Udél Dwata: Gna Kesfasad ne Lomi Kesfasad

¹⁶ Són yóm litô le, hol bê ye abay ken. Tódô kok ye ete tonok lómón kkok ye él.

Dwata 12:16 Referans Kwoze

Tekang Kbuten 9:4

Són olo là hkenu du kuy, són yóm utón tolo nô lem lówóhen litóen abay se bè yóm litóen gónón nô lowilen.

Kul Nmò 15:29

Bê ye abay ken yóm deng dsù ebè dwata kéng. Bê ye abay ken yóm litô. Ne yóm utón là deng kó du litóen, bê ye abay ken. Ne bê ye abay mò samuk. Tey bong kehyuhen bélê ye ke lolò ye ni kem ni. Sónen ni ne tulón me kuy.”

1 Timuti 4:4

Kdê yó kem deng tehe dlimun Dwata, hono hyu, ne bê te abay mom kenbê. Yake hol henmóyô te, mung du yóm gel keslamat te béléen.

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Hlolò 19:26

Hol bê ye abay ken yóm utón tolo nô du litóen. Hol bê ye abay nmò yóm kul gel nmò yó kem tau wen lamaten ne yó kem tau mton bù.

1 Samwél 14:32

Unin kifu, tódô sotu kun heslò ma yóm deng negef le bè yó kem hohon le, ma le ubiha ne ngà safì, omin le tódô kendel métê du ne ken le igoen tolo wen litóen.

1 Samwél 14:33

Ominen wen tau tmulón du ke Sol, monen, “Ngem, deng le bud gemsalà bè Dwata yó kem tau lan le mken yóm utón tolo nô du litóen.” Mon Sol se, “Tey salà bong yóm yó. Mebel ye botu bong hluy ye edini.”

Isikél 33:25

Ni hol tulónem yó kem tau yó yóm udél yóm sana Dwata hol dandónen geta, yó monen, Deng gel ken ye yóm utón mung du litóen, deng ye tmaba ebè yó kem dwata kéng ne deng hnatay ye yó kem tau laen dù salaen. Knóón kô ke kuy funen yóm tonok yó?