Dwata 12:14 - Udél Dwata: Gna Kesfasad ne Lomi Kesfasad

¹⁴ Tek són yó gónó ye demsù són bè yóm benwu angat kun nélék Dwata bè tonok yóm sotu kuy dumu ból Israél. Sónen bè yó gónó ye demsù du yóm dsù gel hkekeb ye ne yó kem dumu dsù deng hlauhu kuy.

Dwata 12:14 Referans Kwoze

2 Kurin 5:19

Yó gel tulón me, duhen yóm deng kehlan Dwata du bè Krays yóm lan nmoen ebè kdéen tau mò lan le mit sefyu ebéléen. Là bud snolò Dwata du bélê le ne yó kem tehe salà le. Ne bélê me kum, deng sigangen ta me nim tulón ni mò gónó le temngón du yóm lan le mit sefyu ebéléen.

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

Kem Lingón 9:11

Sngal tekuy yóm sngal dmóyón ke Dwata yóm Dwata kmamal lemwót bè Sayun. Heglalag tekuy bè kem tau bè klamangen benwu yóm kdê deng nmoen.

Kem Lingón 5:7

Lemwót bè yóm là konolen yóm kbong nawahem dou, gbeku husek elem Gónóem. Lemwót bè yóm kwen klikou kóm, yó gónóhu tmaba ebéléem lem Gónóem.

Dwata 12:13

Bè yóm angat kkól ye ta yóm tonok blay Dwata kuy, là gbek ye du tódô demsù yóm dsù gel hkekeb ye ebè Dwata bè yóm kuy kóyô gónó demsù.

Dwata 12:15

Okóm bè yó kem dumu ógóf ye, balù kihu gónó ye nô hyu kétê ye kul mò utón ye. Ne balù nô kbongen kóyô utón ye bè yó kem ógóf deng blay Dwata kuy, hyu kken ye kul lómón yóm gel kutón ye uhu ne yóm sotu uhu boluyen antilop. Kdê ye se hyu kken ye du, tau deng hólós bè solu Dwata duhen ke tau là dengen hólós.

1 Bok Kem Tau Hol Geta 12:27

Ke mógów le ebè Jirusalim anì na le e demsù ebè Dwata bè yóm Gónóen bè yó, kaem angat tles lolò le Rihubuam yóm tau hol geta bè Juda, ne angat hnatay le ou.”

Dwata 12:18

Ken ye ni kem monu ni koni bè yó bè solu Dwata bè yóm sotu benwu angat néléken mò gónó ye tmaba ebéléen, mung kuy kem ngà ye ne kem tóbóng lówó ye ne yó kem sfu Libay menwu lem blóng ye. Gotu ye hligal bè yó, hnigal ye yóm kdê deng gendeng ye.

Dwata 18:6

Kihu sfu Libay, balù kihu benwu bè Israél gónón gu lemwót, ke móyô mógów ebè yóm sotu benwu gónó le gel tmaba ebè Dwata yó kem tau Israél

Dwata 31:11

bè yóm kdaw le gel stifun tmaba ebè yóm sana kuy Dwata hol gónó mogot bè yóm benwu néléken mò gónó ye gel tmaba ebéléen.

Juswa 9:27

Henbalingen lu hesek, fen hwahen lu koyu ne hangayen lu él bè yó kem tau Israél ne bè yóm gónó le gel demsù ebè yóm sana kul Dwata hol gónó mogot. Efet nim kmoen ni sana gel kmò kem tau Gibyun du yóm nmò le yó bè yóm benwu deng nélék Dwata mò gónó le gel tmaba ebéléen yó kem tauhen.

1 Bok Kem Tau Hol Geta 8:29

Hol tendo tnanudem ket kdaw ne ket kifu yóm Gónóem ni, ni se yóm gónô tehe monem mò gónóm hemsù yóm kóm boluy. Hol tnanudem anì gungolem o ke gele mni béléem igou smolu ebè nim gónóem ni.

2 Bok Kem Tau Hol Geta 18:22

Okóm ke mon ye mò do, ‘Smalig me bè yóm sana kum Dwata hol gónó mogot.’ Igò Hisikaya deng gotu hegbà du yó kem kdê gónó ye tehe tmaba ebéléen ne demsù ebéléen, ne monen mò kuy kem tau bè Juda ne bè Jirusalim, ‘Olon bè Jirusalim gónó ye tmaba ebè Dwata.’

1 Tutul Israél 22:1

Omin Dabid mon du, “Bè nim benwu ni gónó tekuy hemdà du Gónô yóm sana Dwata hol gónó mogot, ne gónó hemsù yóm gónó demsù yóm dsù gel hkekeb le ebéléen yó kem tau Israél.”