Dwata 12:13 - Udél Dwata: Gna Kesfasad ne Lomi Kesfasad

¹³ Bè yóm angat kkól ye ta yóm tonok blay Dwata kuy, là gbek ye du tódô demsù yóm dsù gel hkekeb ye ebè Dwata bè yóm kuy kóyô gónó demsù.

Dwata 12:13 Referans Kwoze

2 Tutul Israél 15:17

Balù yóm là dog sulék kegbà Asa kul yó kem dê gónó le gel hemsù kul yó kem dwata kéng yó bè klamangen Israél, sana yó ne kehteneben lemolò ke Dwata bè yóm klawihen mowil.

Dwata 12:6

Bè yó gónó ye gel demsù yó kem dsù gel hkekeb ye ebéléen ne yó kem dumu gel dsù ye. Bud bè yó snéen gónó ye mit du yóm gesfoloen gel bad ye du ne yó kem dumu tódô gel basa ye du ne yó kem basa deng fasad ye du ne yó kem basa tódô kuy nawa du. Kkólen bè yóm tanay ngà yó kem safì ye ne tanay ngà yó kem ubiha ye, bud bè yó gónó ye e mit du.

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Dwata 12:14

Tek són yó gónó ye demsù són bè yóm benwu angat kun nélék Dwata bè tonok yóm sotu kuy dumu ból Israél. Sónen bè yó gónó ye demsù du yóm dsù gel hkekeb ye ne yó kem dumu dsù deng hlauhu kuy.

1 Bok Kem Tau Hol Geta 3:2

Bè yóm kdaw yó, tolo dê he gónó le gel demsù yó kem tau Israél, abay se là deng hdà le du yóm Gónô Dwata, yóm gónô mit du yóm kun boluy Dwata.