Dwata 12:12 - Udél Dwata: Gna Kesfasad ne Lomi Kesfasad

¹² Ne bè yó bè solu Dwata hol ye hligal, mung kuy kem ngà ye ne yó kem tóbóng lówó ye ne yó kem sfu Libay menwu lem blóng ye. Hol bê ye abay hnuda lu yó kem sfu Libay, laen dù tonok le se kul.

Dwata 12:12 Referans Kwoze

Dwata 12:7

Bè yó snéen bè solu yóm sana kuy Dwata hol gónó mogot, yóm Dwata tendo gel tmóbóng kuy, gónó ye hligal mken du yó kem hyu deng leniteg ye, mung kuy yó kem fes lówó ye.

Dwata 26:12

Bè ket getluhen halay, hol blay ye yóm gesfoloen gel bad ye ke Dwata bè kem hulu ye bè yó kem sfu Libay ne bè yó kem tólóng tau menwu lem blóng ye ne bè yó kem ngà hikit ne bè yó kem libun bolu. Yó gónó ye mò du nim ni, anì yó ket tau bè ket benwu ye wen kun gónó ma mò ken le. Ke deng nmò ye nim ni,

Dwata 10:9

Yó gónóm mon, laen dù kul ólól yó kem sfu Libay bè yóm tonok blay Dwata yó kem tau Israél, là lómón du yó kem dumu le. Yó kul ólól duhen yóm keseblóng le tau ebè Dwata lómón yóm deng fasad Dwata kul, yóm sana kuy Dwata hol gónó mogot.

Dwata 12:19

Bè yóm klawi ye mowil ta yóm tonok ye, hol bê ye hnuda lu yó kem sfu Libay menwu lem blóng ye.

Kem Lingón 147:1

Hol dóyón tekuy Dwata. Tey hyu gemnóm du ke sngal tekuy ebè kut Dwata yóm sngal dmóyón du. Tey minggel gemnóm du, ne tey knóón ke sendóyón tekuy Dwata.

2 Tutul Israél 29:36

Ya tey kehligal Hisikaya ne yóm kdéen tau lemwót bè yóm deng nmò Dwata bélê le, ne tey mahil bélê le mò du yóm kdéen.

1 Bok Kem Tau Hol Geta 8:66

Timbow deng yóm kehligal le yó, omin Selumun gotu hulék kul. Bè yóm kulék le tey kdóyón le ke Dwata bè yóm tau hol geta le, abay se lemwót bè yóm alì kehyu nmò Dwata bè tehe Dabid yóm tau tóbóng lówóhen, dalang se bè yó kem tauhen Israél.

Dwata 18:6

Kihu sfu Libay, balù kihu benwu bè Israél gónón gu lemwót, ke móyô mógów ebè yóm sotu benwu gónó le gel tmaba ebè Dwata yó kem tau Israél

Kun Snulat Jan 13:8

Bud mudél Pitér, monen, “Là kóe na a móyô holob du kóm yóm tihu, Sér.” Bud mon Jisas se, “Ke là nolobu du yóm tihem, là kô uu du yóm tau lemolò do.”

Kul Nmò 8:21

Laen kô dù kóm du yóm kum nmò ni, abay se là tedeng kton Dwata du yóm kehedemem.

Dwata 12:18

Ken ye ni kem monu ni koni bè yó bè solu Dwata bè yóm sotu benwu angat néléken mò gónó ye tmaba ebéléen, mung kuy kem ngà ye ne kem tóbóng lówó ye ne yó kem sfu Libay menwu lem blóng ye. Gotu ye hligal bè yó, hnigal ye yóm kdê deng gendeng ye.

Dwata 26:11

Hol ye hligal bè yó kem hyu deng blay Dwata kuy dalang se yó kem fes lówó ye. Bè yóm kehligal ye, homong ye yó kem sfu Libay ne yó kem tólóng tau menwu lem blóng ye.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Hlolò 23:40

Bè yóm hol tanay kdaw nit ye yóm hol hyu bè yó kem bungu koyu ye. Ne bud ye mit doun lefò dalang se yó kem hanga koyu alì dmoun bélê ye mò ngom slung ye. Omin ye yó mbut du yóm kehligal gónó ye madat yóm sana kuy Dwata hol gónó mogot.

Dwata 27:7

Ne bè yó snéen gónó ye demsù du yóm dsù gel ken ye bè yóm gel kestifun ye hligal lemwót bè yóm deng kessotu ye bè Dwata ne bè dumu tau. Bè yó bè solu Dwata yóm sana kuy Dwata hol gónó mogot, hol ye hligal mken.