Dwata 12:11 - Udél Dwata: Gna Kesfasad ne Lomi Kesfasad

¹¹ Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Dwata 12:11 Referans Kwoze

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Dwata 18:6

Kihu sfu Libay, balù kihu benwu bè Israél gónón gu lemwót, ke móyô mógów ebè yóm sotu benwu gónó le gel tmaba ebè Dwata yó kem tau Israél

Jirimaya 7:12

Mógów ye etu bè Silu, yóm hol tanay benwu néléku mò gónó ye tmaba ebéléu. Hnénég ye yóm deng nmou bè yó lemwót bè yó kem tey salà yó kem dou tau Israél.Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.

Kem Lingón 78:68

Deng mom néléken sfu Juda, dalang se yóm Bulul Sayun yóm hol kenbong nawahen.

1 Bok Kem Tau Hol Geta 8:29

Hol tendo tnanudem ket kdaw ne ket kifu yóm Gónóem ni, ni se yóm gónô tehe monem mò gónóm hemsù yóm kóm boluy. Hol tnanudem anì gungolem o ke gele mni béléem igou smolu ebè nim gónóem ni.

1 Bok Kem Tau Hol Geta 8:13

Okóm ni, denge hemdà béléem yóm tey gónô tilob mò gónóhem nô, ne laen kô dù sónen yóm knóem lemen.”

Dwata 31:11

bè yóm kdaw le gel stifun tmaba ebè yóm sana kuy Dwata hol gónó mogot bè yóm benwu néléken mò gónó ye gel tmaba ebéléen.

Dwata 26:2

yó nmò ye yóm ket kuy na sotu ke wen nuta ye, mabì ye bè ket tanay bungu yó kem hulu ye ne hol nwit ye ebè yóm benwu angat nélék Dwata mò gónó ye tmaba ebéléen.

Dwata 12:26

Okóm yó kem ógóf gel dsù ye ebè Dwata dalang se yó kem basa deng fasad ye du, hol nwit ye ebè yóm sotu benwu angat nélék Dwata mò gónó ye gel tmaba ebéléen.

Dwata 12:21

Ke alì mayuk bélê ye yóm benwu gónó ye tmaba ebè Dwata na a demsù ebéléen, là sideken ke tódô tnétê ye bè gónó ye yóm safì duhen ke ubiha deng blay Dwata kuy, syan ke ógóf là dsù du yóm tnétê ye lómón yóm deng hlauhu kuy.

Dwata 12:18

Ken ye ni kem monu ni koni bè yó bè solu Dwata bè yóm sotu benwu angat néléken mò gónó ye tmaba ebéléen, mung kuy kem ngà ye ne kem tóbóng lówó ye ne yó kem sfu Libay menwu lem blóng ye. Gotu ye hligal bè yó, hnigal ye yóm kdê deng gendeng ye.

Dwata 12:14

Tek són yó gónó ye demsù són bè yóm benwu angat kun nélék Dwata bè tonok yóm sotu kuy dumu ból Israél. Sónen bè yó gónó ye demsù du yóm dsù gel hkekeb ye ne yó kem dumu dsù deng hlauhu kuy.

Dwata 12:13

Bè yóm angat kkól ye ta yóm tonok blay Dwata kuy, là gbek ye du tódô demsù yóm dsù gel hkekeb ye ebè Dwata bè yóm kuy kóyô gónó demsù.

1 Samwél 1:21

Halay hulin bè yó, bud kól yóm kdaw le bud mógów ebè Silu na le e kedsù ebè Dwata, bud le lemwót le Ilkana ne Pinina ne yó kem ngà le, bud le mógów etu. Ne ni se keblay Ilkana du ke Dwata yóm tehe fasaden du.

1 Bok Kem Tau Hol Geta 8:16

‘Lemwót bè yóm kdaw tehe kehewau kul gu bè Idyip yó kem dou tau Israél, laen kô deng syudad néléku he bè yó kem tbong Israél ke mò gónó le hemdà yóm dou gónô, yóm gónô mò mit yóm dou boluy. Okóm ni, deng néléku Dabid, mò mogot yó kem dou tau.’ ”

2 Tutul Israél 6:20

Hol tendo tnanudem ket kdaw ne ket kifu Gónóem, ni se yóm Gónô tehe monem mò gónóm hemsù yóm kóm boluy. Hol hnungolem ou ke gele mni béléem igou smolu ebè nim Gónóem ni.

2 Tutul Israél 7:12

Omin Dwata hegfan béléen bè yóm kifu yó, ne monen mò du, “Deng gotu gungolu yóm knihem béléu. Deng néléku yóm Gónô ni mò gónó ye gel demsù ebéléu.

Isra 6:12

Ke wen tau hol geta duhen ke wen sotu but tau tô là mimón du nim monu ni, duhen ke genbaen yóm Gónô Dwata bè yó, Dwata he gemlà du yóm tau yó yóm Dwata deng mélék yóm benwu Jirusalim, mò gónó le tmaba ebéléen. Ou se Daryus gónóhen lemwót nim udél ni. Hol béen abay wen tau tô smonol du.”

Kem Lingón 100:2

Hol ye hligal tmaba ebéléen. Hloni ye ebéléen, mung du yóm kehligal ye semngal.

Juswa 9:27

Henbalingen lu hesek, fen hwahen lu koyu ne hangayen lu él bè yó kem tau Israél ne bè yóm gónó le gel demsù ebè yóm sana kul Dwata hol gónó mogot. Efet nim kmoen ni sana gel kmò kem tau Gibyun du yóm nmò le yó bè yóm benwu deng nélék Dwata mò gónó le gel tmaba ebéléen yó kem tauhen.

1 Bok Kem Tau Hol Geta 12:27

Ke mógów le ebè Jirusalim anì na le e demsù ebè Dwata bè yóm Gónóen bè yó, kaem angat tles lolò le Rihubuam yóm tau hol geta bè Juda, ne angat hnatay le ou.”

2 Bok Kem Tau Hol Geta 18:22

Okóm ke mon ye mò do, ‘Smalig me bè yóm sana kum Dwata hol gónó mogot.’ Igò Hisikaya deng gotu hegbà du yó kem kdê gónó ye tehe tmaba ebéléen ne demsù ebéléen, ne monen mò kuy kem tau bè Juda ne bè Jirusalim, ‘Olon bè Jirusalim gónó ye tmaba ebè Dwata.’

1 Tutul Israél 22:1

Omin Dabid mon du, “Bè nim benwu ni gónó tekuy hemdà du Gónô yóm sana Dwata hol gónó mogot, ne gónó hemsù yóm gónó demsù yóm dsù gel hkekeb le ebéléen yó kem tau Israél.”

Kem Lingón 66:13

Ni mógówe ebè yóm kóm Gónô naw e demsù hkekeb ebéléem mò gónóhu dmohò du yóm deng fasadu kóm.

Kem Lingón 116:17

Angat wen dsuu ebéléem mò gónóhu slamat béléem, hmungu du yóm tey kdóyónu kóm.