Dwata 12:10 - Udél Dwata: Gna Kesfasad ne Lomi Kesfasad

¹⁰ Ke deng nifal ye yóm Él Jurdan, angat tódô blay Dwata kuy yóm tonok yó mò hlós gónó ye henek nô. Du he tendo kemlung kuy bè kdê yó kem hohon ye anì menek kbenwu ye.

Dwata 12:10 Referans Kwoze

Isikél 34:28

Là bud hnamfas le kul ne yó kem tólóng benwu, dalang se yó kem ógóf lem bnes là bud nsék le kul. Angat tey menek kbenwu le, laen dù bud hmikò kul.

Jirimaya 33:11

gungol ye tau hligal ne kmuli. Bud gungol ye se yóm udél le hligal yó kem tau syehen. Bud gungol ye se yóm kehligal le semngal yó kem tau bè yóm kógów le ebè yóm dou Gónô lan le mit du yóm gel dsù le ebéléu mò gónó le dmóyón do. Yó angat sngal le, mon le, ‘Hol dóyón tekuy yóm Dwata laen dù là gbeken du, abay se tey hyu kmoen. Laen kô dù nan e són yóm kbong nawahen tau.’ Yakà angat bud hen-guléku du nim benwu ni lómón yóm gnan,” mon Dwata.

Dwata 4:22

Bè nim benwu ni tódô gónóhu matay, là kô naw e gifal du do yóm Él Jurdan. Okóm kuy móyón gifal ye ne, ne móyón ye nô ta yóm tey tonok hyu yó.

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Jirimaya 32:37

Angat bud nwitu lu semfulék yó kem dou tau gu bè yó kem benwu deng gónóhu e semkla kul lemwót bè yóm tey kebutu. Hol ebè nim syudad ni se gónóhu bud e mit kul. Tódô menek ne kbenwu le ne laen kô dù hemen le.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Kem Udél Hlalak Tehe Selumun 1:33

Okóm kihu tau hmungol do, hyu knóen ne laen se bang tódô du ne laen se bang sidek knikoen.” Duhen ni se utóm taba yóm khulung hedem.

Kem Lingón 4:8

Tey menek kegnómu du ke gele lemwót tungô, yakà tek són uu, Dwata, gónón laen dù hemenu bè yóm ktungóu.

1 Bok Kem Tau Hol Geta 4:25

Bè yóm klawi Selumun mogot benwu, tey menek kbenwu le yó kem tau bè Juda ne kem tau bè Israél. Lenwóten bè benwu Dan hol fi bwak efet kól etu bè Birsiba yóm benwu hol fi leged. Ket kmuleng wen mdengen gónó le nô ne gónó le mò hulu.

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”

Juswa 4:12

Lemwót yó kem logi semfu gu bè Rubén ne semfu gu bè Gad se sóól semfu gu bè Manasi, deng le eles htigel bè sfatay ne kul, mifal le tukô gna yó kem dumu le lómón yóm deng mon Musis mò kul.

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

Dwata 9:1

Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Kehewà 33:14

Mon Dwata se, “Yó ne bude mung kuy ne bud tendo gel hegmou yu.”

1 Bok Kem Tau Hol Geta 8:56

“Hol dóyón tekuy Dwata, lemwót bè yóm deng keheneken benwu tekuy kem tauhen Israél, lómón yóm deng fasaden tekuy. Deng gotu dohò yóm kdê tehe fasaden hlanen bè Musis, yóm tau tóbóng lówóhen.

1 Tutul Israél 22:18

“Yóm sana Dwata hol kuy gónó mogot yóm tendo nô bélê ye. Deng heneken kbenwu ye bè yó kem benwu hmilol kuy, yakà deng sù Dwata du lem hólólu yóm kdéen tau bè yó kem benwu hmilol kuy yó. Dwata se mogot kul yó kem benwu yó ne yó kem tau le.