Dwata 10:8 - Udél Dwata: Gna Kesfasad ne Lomi Kesfasad

⁸ Bè yóm kdaw yó kélék Dwata yó kem sfu Libay mò fen mit yóm Slungan Fasad ne mò fen gel blóng tau ebéléen ne mò fen gel muyag yó kem tau hlan le bè kun boluy. Ne yó se yóm hlós kul nmò efet nim kmoen ni.

Dwata 10:8 Referans Kwoze

Dwata 18:5

Bè kdê yó kem ból Israél, fen nélék Dwata yó kem kun sfu Libay mò blóng tau ebéléen bè yóm kun Gónô efet kól bè laen dù tul sónen.

Lista 3:6

“Nwit ye lu edini yóm kdê sfu Libay, nélék ye lu mò tóbóng lówó Aron, yóm tau blóng ye ebéléu.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Jirimaya 15:19

Yó balà Dwata do bè nim ni, monen, “Ke hegseli, henmóyóu uu ne budi baling tóbóng lówóhu. Ke tulónem yó kem udél wen muhen bélê le, budi baling tau mò tugodu. Lemwót bè udélem ebélê le, uu se mit kul yó kem tau. Là hyuhen ke lu mit kóm.

2 Tutul Israél 30:27

Yó kem tau gel blóng ebè Dwata ne yó kem sfu Libay, mni le ebè Dwata bè yó kem tau, ne hnungol Dwata ditu bè gónón nô bè longit yóm kni le yó.

1 Tutul Israél 15:26

Tey któbóng Dwata yó kem sfu Libay semtihang yóm Slunganen. Yó gónóm mon, wen hitu safì tudu ne hitu ngà ubiha dsù le ebè Dwata.

Glasya 1:15

Okóm balù yóm tehe tey ksidek nmou bè yó kem tau hemtahu, ewenem tey nawa Dwata ebéléu. Yóm gu laanu là deng tau, deng eles néléken ou ne mò sotu bè yó kem gel hógówen. Bè yóm deng kehto yóm buteng tehe fét Dwata,

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Sulat Pol Ebè Yó Kem Tau Hemtahu Bè Rom 12:7

Ke benlay Dwata uu khulung tmóbóng kem dumuhem tau, hol nmoem sen. Ke benlayen uu khulung tmolok, hol henktengem sen tmolok.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Kul Nmò 13:2

Sotu kdaw bè yó, fasting le. Bè yóm igò le mni, tódô stulón bélê le yóm Tulus Dwata, monen, “Hetfing ye do Barnabas lewu le Sol. Wen hmou kul.”

Kem Lingón 135:2

yu kem tau mò nmò bè gónô Dwata, dalang se yó kem mò nmò bè lósól yóm gónô yóm Dwata tekuy.

Kem Lingón 134:2

Hol hdà ye eta hólól ye etu bè Gónô Dwata, ne hol dóyón ye Dwata.

2 Tutul Israél 29:11

Yó gónóm mon kem ngau sfu Libay, deng nélék Dwata yu mò mdà bè soluhen, ne mò du yóm hmoen kuy, ne mò malak yó kem tau bè ktaba le ebéléen ne bè yóm gel kedsù le ebéléen. Hol nmò ye yóm hmoen kuy.”

1 Bok Kem Tau Hol Geta 8:6

Omin yó kem tau gel blóng ebè Dwata mit du ebè Gónô Dwata yóm Slungan Dwata yó, ne ditu hol lem yóm Dfél hol gónón nô Dwata gónó le hemsù du. Sù le laan yóm hafak yóm lewu lenged hógów Dwata deng nmò le, boluyen sirubim.Lemwót yóm ból hafak le, tódô lenimunen yóm Slungan Dwata, ne gomong lenimunen snéen yó kem koyu gónó le tmihang du.

Dwata 31:9

Duhen yó, gotu snulat Musis yóm kdê hlau Dwata ne blayen bè yó kem sfu Libay gel blóng le ebè Dwata yóm fen gel mit yóm Slungan Fasad ne bè yó kem tuha gel malak yó kem tau Israél.

1 Tutul Israél 15:2

Ominen wen hlolò Dabid yó kem tau, monen, “Bè yóm kangay tekuy du ni yóm Slungan Dwata, laen dù dumu tau semtihang du tek són yó kem sfu Libay, yakà laen dù tul sónen yóm deng kélék Dwata kul mò mit yóm kun Slungan ne mò nmò béléen.”

Kem Lingón 134:1

Hol dóyón ye Dwata, yu kem tau tóbóng lówóhen, yu kem tau gel mentey bè gónô Dwata ke kifu.