Dwata 10:22 - Udél Dwata: Gna Kesfasad ne Lomi Kesfasad

²² Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Dwata 10:22 Referans Kwoze

Tekang Kbuten 46:27

Ominen temnù yó kem lewu ngà Jusif sut bè Idyip. Yó kwen fes lówó Jakub bè yóm kdaw yó, deng hitu folò kwen le.

Kehewà 1:5

Yó kdê deng ból Jakub, hitu folò kwen le gomong lemen Jusif yóm sotu ngaen deng eles nô ditu bè Idyip.

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Nihimaya 9:23

Tey kehbólem kul yó kem tauhem lómón kwen le kem blotik bè longit. Sal gel hegmoem lu bè yó kem hohon le ne suem lu ta yóm tonok tehe fasadem yó kem tehe fù le.

Dwata 28:62

Balù yóm deng tey kból ye ni kmoen ni, lómón kwen ye yó kem blotik bè longit, okóm bè yóm kdaw yó angat tek hilu dù mowil abay se là kô nimón ye ke Dwata yóm sana kuy Dwata hol gónó mogot.

Kul Nmò 7:14

Omin Jusif na a tminok ke maen anì mógów se kun ebè Idyip kkólen bè yó kem fes lówóhen, hitu folò limu kwen le.

Hibru 11:12

Balù yóm deng ktuha Abraham, lómón ke là bud gbeken du mngà, okóm deng mom du yóm alì mobung bólen. Yó kwen le, lómón blotik bè longit, ne lómón helek bè kilil mohin, là gbekem msó kul.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.

Tekang Kbuten 46:26

Yó kwen fes lówó Jakub mung du ebè Idyip nem folò nem kdê le, là gomong nsó le kul yó kem yehen yó kem ngaen.