Dwata 10:21 - Udél Dwata: Gna Kesfasad ne Lomi Kesfasad

²¹ Hol gel dóyón ye yakà du se yóm kuy Dwata ne deng tódô kuy mata se mton du yó kem tey hentaw ton tehe nmoen mò gónón tmóbóng kuy.

Dwata 10:21 Referans Kwoze

Jirimaya 17:14

Ó Dwata, kóhem dou yóm blat nô tahu anì bud hyu kegnómu du. Lenwaem ou anì laen dù hemenu. Tek són uu yóm dóyónu.

Deng Hegfan 21:23

Ne laen kô dù nóng kdaw duhen ke nóng bulón bè yóm syudad yó, abay se yóm layag Dwata tódô seflós mnóng bè yó, ne yóm Ngà Ubiha henged soloken.

Kem Lingón 22:3

Igoen se uu yóm Dwata laen kô dù belenen, myón bè yóm gónón myón kmamal. Uu se yóm tendo dóyón yó kem tau Israél.

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Isaya 64:3

Lómón yó se yóm tehe nmoem ekni, tódói sut lem blóng me ne tey tehe sidek knikò yóm hetnga nmoem. Gbót le likò se kul yó kem bulul, gotu le megsinsig.

Isaya 60:19

Bè yóm kdaw kehewau kóm yó, laen dù bud muhem du ne yóm nóng kdaw duhen ke nóng bulón. Abay se ou yóm gónóhem mogot mò layagem laen dù tul sónen. Yóm alì keslinangu, yó se tódô seflós mnóng ebéléem.

Kem Lingón 109:1

Ó Dwata, yóm dou tendo dóyón, hol béi tódô neb, hol béi là hekmón do

1 Samwél 12:24

Okóm yake hol wen klikò ye ke Dwata ne hol ye hteneb lemolò du. Hol hendem ye yó kem tey hyu deng nmoen bélê ye.

Kem Lingón 145:6

Angat gel sentulón yó kem tau yóm tey kegbekem, ne angat gel hbólu yóm tey kegetahem.

Kem Lingón 148:14

Tey mbegel kehdaen du yóm kbenwu yó kem kun tau Israél. Yó gónón mò du yóm yó anì kdê le gotu dmóyón du, yakà lu du se yó kem tau gónóhen nô nawahen. Hol gel dóyón tekuy Dwata.

Kehewà 34:10

Yó mon Dwata mò ke Musis, “Yu kem tau Israél, ni wen senfasad tekuy. Yó fasadu kuy, angat nmou bè yó kem hohon ye yóm tey knikò bong là deng wen hmikót mton du talak tonok. Kdê yó kem tau Israél gotu ton le ni kem tey knikò angat nmou ni. Ou se yóm sana Dwata hol gónó mogot mò du bélê ye nim tey knikò angat nmou ni.

Juswa 24:18

Kaem Dwata se fen mlo kul yó kem tau Amurayt ne yó kem dumu but tau tehe nô ta nim tonok ni. Yó gónóm mon, lolò me Dwata se kum. Tek són du yóm sana Dwata hol kum gónó mogot.”