Dwata 10:20 - Udél Dwata: Gna Kesfasad ne Lomi Kesfasad

²⁰ Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Dwata 10:20 Referans Kwoze

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Dwata 13:4

Són Dwata hol lolò ye yóm sana Dwata hol kuy gónó mogot, mung du yóm klikò ye du. Hol nimón ye ne lolò ye yó kem deng hlauhen kuy. Tmaba ye ebéléen ne hol ye hteneb mimón du.

Kun Snulat Luk 4:8

Bnalà Jisas se, monen, “Bud wen sotu monen bè Sulat Dwata, yó monen, ‘Són Dwata hol gónóhem mogot, ne són du hol nimónem.’”

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Kem Lingón 63:11

Okóm béléu dou, yóm tau hol geta deng nélékem, tey kligalu lemwót bè yóm kehegmoem dou. Yó kem tau gel dnohò le yóm fasad le hlan le bè boluy Dwata, angat tey kdóyón le ke Dwata. Okóm yó kem tau gel mò kéng, angat hegfan Dwata yóm kéng le, là kô le bud gudél.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.

Isaya 45:23

Sok wen gel fasadu hol dohò se yó, laen kô gembek temles du. Yóm fasadu kuy yó, là kóen bud mulék elem baku. Yó fasadu, angat kdéen tau gotu mtud bukol bè soluhu, mung du yóm safà le béléu anì són ou yóm gónó le mogot.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Juswa 23:8

Okóm henlel ye mimón du yóm sana kuy Dwata hol gónó mogot lómón se yóm gel nmò ye ni kmoen ni.

Dwata 4:4

Okóm kuy yu kem tau là monol nawahen ebè yóm sana kuy Dwata hol gónó mogot, tolo ye mowil yóm kmoen ni.

Kehewà 20:7

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Dwata 5:11

Bê ye tódô fà moluy du yóm dou boluy. Yakà ou du yóm sana kuy Dwata hol gónó mogot. Tnafaku yóm tau tódô faen moluy du yóm dou boluy.

Dwata 30:20

Kenbong nawa ye yóm sana kuy Dwata hol gónó mogot. Hol nimón ye ne hol ye hteneb béléen dalang se yó kem angat semfu gu bélê ye anì tahà klowil ye ta yóm tonok tehe fasaden yó kem tehe fù ye le Abraham ne Isak ne Jakub.”

Juswa 23:7

Ke ni se nmò ye, là kô gbek ye du mit sbilà bè yó kem tólóng tau dù tebel ta nim tonok ni. Yó kem kul dwata lennged, balù olo moluy yóm kul boluy hol bê ye abay nmò. Là se hyuhen ke hlan ye bè boluy le ke mò ye fasad. Hol bê ye abay tmaba ebélê le ne bê ye abay mni tóbóng bélê le.

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”

2 Bok Kem Tau Hol Geta 18:6

Tey teneb bè Dwata, ne là kóen skó bè yóm kloloen du, ne gotu loloen yó kem kdê hlau tehe blay Dwata ke Musis.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.