Dwata 10:2 - Udél Dwata: Gna Kesfasad ne Lomi Kesfasad

² anì bud snulatu ta yó kem botu kufil nwitem yó kem tehe snulatu bè yóm gnan, yóm deng btuem. Ke deng deng ksulatu du, ominem hemyu du lem yóm slungan nmoem, duhen yóm Slungan Fasad.’

Dwata 10:2 Referans Kwoze

1 Bok Kem Tau Hol Geta 8:9

Laen kô dumu nô lemen yóm Slungan Dwata yó, tek són yóm lewu kem botu kufil tehe sù Musis lemen bè Bulul Sinay bè yóm tehe kesfasad le Dwata yó kem tau Israél bè yóm kehewà le gu bè Idyip.

Hibru 9:4

Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

Dwata 10:5

ne ominu bud mosol. Bè yóm deng kkólu bè kamfù, lemwót yóm lewu botu kufil yó suu lem yóm Slungan Fasad deng nmou lómón yóm deng mon Dwata mò do. Ne tódô hlós nô lemen efet nim kmoen ni.”

Dwata 4:13

Tulón ye kul yóm deng kesfasad ye Dwata ditu bè Bulul Sinay, duhen yóm hol kimón ye yóm sfolò kem kun hlau kuy, yóm hlau deng snulaten bè lewu botu kufil.Bud bè yóm kdaw yó snéen kehtolok Dwata du dou bélê ye yó kem kun dumu hlau kuy ne yó kem kun hlolò kuy mò tendo nimón ye ke deng ye kól ta yóm tonok móyón hfunen kuy mò gónó ye angat henek nô.

Kehewà 40:20

Ominen ma yóm lewu botu kufil gónóhen nô yóm sfolò kem hlau Dwata kul, yóm deng senfasad le ne suen lem yóm Slungan Fasad. Wen nmò le lómón tô tising sù le bè sfatà kilil yóm slungan yó mò gónó Musis hfusek yóm koyu gónó le tmihang du. Ne ominen hemsù du tahen yóm sefeng hono tahu blówón mò gónó Dwata mkó salà.

Kehewà 34:1

Yó mon Dwata mò ke Musis, “Budi mò lewu botu kufil lómón yóm gnan ne bud snulatu du yó kem udél tehe nô bè yóm gnan, yóm deng btuem.

2 Tutul Israél 5:10

Laen kô dumu nô lemen yóm Slungan Dwata yó, tek són yóm lewu kem botu kufil tehe sù Musis lemen bè Bulul Sinay bè yóm tehe kesfasad le Dwata yó kem tau Israél bè yóm kehewà le gu bè Idyip.

Kehewà 32:19

Timbow deng moni bè kamfù le Musis, tódô tonen se yóm ngà safì tudu ne tonen se yó kem tau madal. Ya tey sidek kebuten. Bè yó bè but yóm bulul tódô tudaen yóm botu kufil nwiten ne gotu meskang.