Dwata 10:17 - Udél Dwata: Gna Kesfasad ne Lomi Kesfasad

¹⁷ Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Dwata 10:17 Referans Kwoze

Kul Nmò 10:34

Ne mon Pitér se, “Tey, ni he hol kdengen ketngónu du yóm Dwata, laen kô dù knihuhen.

Sulat Pol Ebè Yó Kem Tau Hemtahu Bè Rom 2:11

Abay se yóm Dwata, laen kô dù mtukul nfihen bè yóm kkukumen tau.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Dwata 7:21

Yó gónóm mon, hol bê ye abay hlikò bélê le ni kem tau ni, yakà tendohen nô lem blóng ye yóm sana kuy Dwata hol gónó mogot. Du se yóm Dwata alì gembek, yóm Dwata hol knikò.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Ifisus 6:9

Dalang se kuy yu kem tau wen klifenen. Yake hol lómón yó koni yóm kuy kmò ebè yó kem klifen ye. Bê ye bud gel henwó lu. Yakà tek sotu du gónó ye mogot, duhen yóm gónó tekuy mogot bè longit. Bè yóm angat kkukumen kuy, laen kô mtukul knihuhen bélê ye.

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Kem Lingón 99:3

Hol dóyón le yóm tey kegetahen ne tey kehtaw le du yóm kóm boluy. Laen dù belenen yóm kóm boluy.

Nihimaya 1:5

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem.

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Nihimaya 4:14

Timbow deng tonu yóm mò kmoen, yó gónów gotu sembung kul yó kem tau ne yó kem malak kul ne yó kem genlal bélê le, yó monu mò kul, “Hol bê ye abay hlikò bè yó kem hohon tekuy. Hentulón ye nawa yóm tey kegbek yóm sana kut Dwata yóm Dwata hol knóón knikò. Hotu ye gel ye mofin kul yó kem dumu ye bè yóm benwu tekuy ni, yó kem ngà ye ne yó kem yehen ye ne yó kem gónô ye.”

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

Kulasi 3:25

Okóm yóm tau mò sidek, bud sidek snéen balaen, abay se yóm Dwata laen kô mtukul tau knihuhen.

Mark 12:14

Timbow le kól bè Jisas, mon le mò du, “Ó Sér, tngón me sal gel tahu yóm gel benkóhem, balù kihu kmò kehedem kem tau du. Ne laen dù tau mtukul knihuhem, okóm hono tahu yóm gel tulónem bè yóm kóyô Dwata bè tau. Ni snólók me béléem,” mon le. “Gsalà bè hlau tekuy kô yóm gel tendo kbayad tekuy bwis ebè Sisar, yóm tau hol geta bè Rom mogot tekuy? Mayad tekuy kô ke là?”

1 Timuti 6:15

Bè yóm kesfuléken yó, kun buteng du Dwata. Tek són du fen mogot yóm klamangen, ne tey hyu kogoten du. Du se hol geta bè kdéen tau hol geta, du se gónó le mogot yóm kdéen gónó mogot.

Dwata 27:25

‘Hol tnafak Dwata yóm tau ma sukéy hmatay yóm tau laen dù salaen.’ Ne kdéen tau gotu hem-el du, mon le, ‘Tahu yó.’

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Isaya 37:16

“Ó Dwata yóm Dwata laen dù là gbeken du, yóm hol kum gónó mogot kem tau Israél, yóm myón bè yóm gónóm kmamal geta senta yó kem gel hógówem nô bè yó. Tek sónen uu yóm Dwata. Gotu knamalem yóm klamangen. Uu se tehe dmimun tonok ne longit.

Danyél 2:45

Yó se hnigad yóm botu lemkà bè yóm tey léhék, lómón ke wen kemleng du, bede sundu tau du mò du. Bè yóm kegdeken bè yóm lennged wen bala tóken ne tembagahen ne tonok miketen ne blówón bukayen ne tahu blówónen, gotu lenunahen. Yóm ni, mò gónó Dwata eles heglileb du kóm yóm angat hesuten elem hulin kdaw. Tahu se yóm knahem ne dohò yóm hnigaden.”

Jirimaya 32:18

Tey bong nawahem tau ne tey hyu kmoem ebélê le yó kem hilu libuhen kwen le, okóm gel tnafakem yó kem ngà le lemwót bè salà yó kem tuha le. Uu se yóm Dwata hol geta alì mfasang, yóm Dwata laen dù là gbeken du.