Dwata 10:14 - Udél Dwata: Gna Kesfasad ne Lomi Kesfasad

¹⁴ Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

Dwata 10:14 Referans Kwoze

Kehewà 19:5

Ne ni ke nimón ye ou yóm sana Dwata hol gónó ye mogot, ne ke là klifót ye du yóm deng senfasad tekuy, baling ye mò dou tau. Yóm klamangen benwu, dou funen okóm yu se yó kem dou tau nélék,

Kem Lingón 24:1

Dwata se mfun du yóm klamangen benwu ne yóm kdéen nô lemen. Ne kdéen tau nô tahen, hono kun.

Kem Lingón 115:16

Yóm longit, ke Dwata funen, okóm yóm tonok, fen blayen bè tau.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Kem Lingón 148:4

Bud yóm hol són longit tofi ta, ne yó kem tey él nô tahen, hol gel dóyón ye Dwata se kuy.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

Kem Lingón 50:12

Ke bitile, là kóe mni bélê ye ken, yakà dou funen yóm klamangen benwu ne yóm kdê nô lemen.

2 Tutul Israél 6:18

Okóm Dwata, gbekem kô nô dini talak tonok? Hol mou kun ne anì sem longit du, yóm longit hol geta, là kói kóyów du. Sélét mom ni nem Gónô deng hdau béléem ni tô gónóm kóyów.

Kehewà 9:29

Mon Musis se mò du, “Bè yóm kehewau bè nim syudad ni, hdau eta sigelu ne mnihe bè yóm sana kum Dwata hol gónó mogot. Tódô hotok yóm leték ne laen se dù bud bulók kulón anì yó, tngón ye yóm kum Dwata yó, du se funen yóm klamangen benwu.

1 Kurin 10:28

Okóm ke wen bè yó tmulón du kóm, monen, “Ó Wè, deng dsù bè dwata kéng nim utón ni.” Ke lómón yó monen, là hyuhen ke fen kenem se kóm. Hol hendemem yóm hyu béléen anì laen dù gónón sbeweg kehedemen.

1 Kurin 10:26

Abay se deng monen bè Sulat Dwata, monen, “Yó gónó tekuy mogot hono kun funen yóm klamangen benwu ne yóm kentihen nô tahen.”

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Tekang Kbuten 14:19

Bè yóm keston le, ominen mni ke Abram bè Dwata, monen, “Yó hem Dwata hol geta bè kdéen, yóm Dwata tehe mò longit ne tonok, tendo tmóbóng kóm, Abram.

Kul Nmò 17:24

Yóm Dwata ni, du se deng dmimun yóm klamangen benwu ne kdéen ton lemen. Du se yóm hol gónó mogot bè longit dalang se talak tonok. Là kóen na a nô bè yó kem gónô nmò tau kun.

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.

Dwata 10:13

ne hol nimón ye yóm kdê kun hlau kuy, yóm tulónu kuy kemdaw ni. Yó se yóm mò kuy kehyu.

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

Kem Lingón 68:33

Semngal ye ebè yóm Dwata wen snakayen gel mlan bè yóm longit là sekna. Ke mudél, hol lómón ke lemték gu bè longit.

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,