Dwata 10:10 - Udél Dwata: Gna Kesfasad ne Lomi Kesfasad

¹⁰ “Botong fat folò butengu nô lem bulul lómón yóm deng gna nmou. Nahen na bud hnungol o Dwata bè yóm hnihu béléen ne là genlaen kuy.

Dwata 10:10 Referans Kwoze

Dwata 9:25

Yó gónóm mon, botong tehe fat folò butengu lemfen bè solu Dwata abay se deng tulón Dwata dou, deng eles hendemen ne yóm keglaen kuy.

Kehewà 34:28

Botong fat folò buteng yóm knô Musis bè yó bè Dwata ne là kóen mken bè yóm knóen bè yó ne là se kóen minum. Gotu snulaten bè yó kem botu kufil yó kem sfolò hlau Dwata kul bè yóm kesfasad le. Yó kem hlau yó, deng fasad yó kem tau Israél ke Dwata yóm kimón le du.

Kehewà 33:17

Mon Dwata mò ke Musis, “Lemwót bè yóm tey tilob ketngónu kóm ne kehyu nawahu ebéléem, nmou yóm hnihem béléu yó.”

Matyu 27:42

Yó mon le, “Deng gel hlowilen kem dumu tau, là kô dog gbeken hlowil kun knô. Du kô kun tau hol geta bè yó kem tau Israél? Hentahu tekuy ke gbeken bud kmó elaan.

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Kehewà 24:18

Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

Dwata 10:11

Ominen hewót do anì nalaku yu anì gnô ye tahen yóm tonok tehe fasaden mò blayen yó kem tehe fù ye.