Dwata 1:8 - Udél Dwata: Gna Kesfasad ne Lomi Kesfasad

⁸ Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Dwata 1:8 Referans Kwoze

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Hibru 6:13

Bè yóm tehe kmò Dwata du yóm fasaden ke Abraham ekni, hlanen bè yóm kun boluy mò hol hemget du, yakem wen se dumu geta sentahen, tek són du.

Hibru 6:14

Yó monen mò ke Abraham, “Yó fasadu kóm, tnóbóngu uu, ne hol hbólu yó kem lugodem.”Ne tahu se, là kóen tmakas Abraham mangat du efet gutahen yóm deng fasad Dwata du yó.

Kehewà 23:31

Yó kililen yóm benwu blayu kuy yó, lenwóten bè Mohin Hulô efet kól ebè yóm Mohin Miditiranyan ne bud lenwóten bè yóm benwu laen hol wen tauhen efet kól etu bè Él Yufratis. Ke sok bang ye mundug kul yó kem tau menwu bè yó, gotu blayu lu elem tdok ye ne tódô gotu lo ye lu.

Kehewà 33:1

Sotu kdaw, yó bud mon Dwata mò ke Musis, “Tnagakem ne nim benwu ni, nwitem yó kem tau deng nitem hewà gu bè Idyip, hlós ye ebè yóm benwu deng tehe fasadu ke Abraham ne Isak ne Jakub ne yó kem lugod le.

Lista 14:23

Tódô tulónu kóm, là kô le gehlós edu kul yóm benwu tehe fasadu yó kem fù le. Laen kô dù bè yó kem tau kembê do ke gehlós edu.

Lista 32:11

‘Là kóen bud mulék elem baku nim udélu ni. Lemwót bè yóm là kimón le do, laen dù bè yó kem logi tehe lemwót gu bè Idyip deng lewu folò halayen duhen ke deng mukas, ke gógów edu yóm tonok deng tehe fasadu kul le Abraham ne Isak ne Jakub.’

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Jirimaya 32:22

Deng blayem yó kem tau Israél yóm tonok tehe fasadem yó kem tehe fù le, yóm tonok tilob ne tonok tembas.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 6:10

Bè yóm kwit Dwata kuy eta yóm tey tonok deng tehe fasaden yó kem fù ye le Abraham ne Isak ne Jakub, deng eles wen kem syudad glo ye tahen, kem syudad lembang ne mdengen, syudad là tehe kuy hdà du.

Dwata 7:8

Okóm kenbong nawa Dwata yu ne là gbeken du ke là hendohoen du yóm tehe fasaden yó kem tehe fù ye. Yó se gónón lemwà kuy mlan bè yóm tey kegbeken, lenwaen yu bè yóm keghesek ye bè Faro bè Idyip.

Dwata 7:12

Ke hol hnungol ye yó kem hlau Dwata yó koni ne ke teneb ye mimón du, yó se gónó Dwata dmohò du yóm fasaden kuy ne hegfanen bélê ye yóm kbong nawahen kuy, yóm nawa là monolen lómón yóm deng fasaden yó kem tehe fù ye.

Dwata 7:13

Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

Dwata 8:1

Yó bud mon Musis mò kul, “Yó kem hlau htugod Dwata dou ebélê ye kemdaw ni, hol ye hteneb mimón du anì mowil ye ne mból ye ne henek ye ta yóm tonok tehe fasad Dwata yó kem tehe fù ye.

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

Dwata 10:11

Ominen hewót do anì nalaku yu anì gnô ye tahen yóm tonok tehe fasaden mò blayen yó kem tehe fù ye.

Dwata 26:3

Mógów ye ebè yóm tau gel blóng ye ebè Dwata tolo mò nmò bè yó bè yóm kdaw yó ne mon ye mò du, ‘Nim nwitu ni mò gónów hetngón du bè yóm sana do Dwata hol gónó mogot, yóm deng kkólu ta yóm tonok tehe fasaden yó kem tehe fù tekuy mò blayen kut.’

Dwata 26:15

Temngeli edini laan lemwót gu dyó bè yóm gónóm nô bè longit, nuyagem yó kem kóm tau Israél. Knudungem snéen yóm tey tonok hyu ne tonok tembas deng blayem kum, lómón yóm deng fasadem yó kem tehe fù me.’

Dwata 28:11

Tey angat kehból Dwata kuy, angat hwenen safì ye ne tey angat kwen tebas ye ta yóm tonok deng tehe fasaden yó kem tehe fù ye mò blayen kuy.

Dwata 30:20

Kenbong nawa ye yóm sana kuy Dwata hol gónó mogot. Hol nimón ye ne hol ye hteneb béléen dalang se yó kem angat semfu gu bélê ye anì tahà klowil ye ta yóm tonok tehe fasaden yó kem tehe fù ye le Abraham ne Isak ne Jakub.”

Dwata 31:7

Omin Musis tmaba ke Juswa, ne monen mò du bè yó bè solu yóm kdéen tau Israél, “Ó Juswa, holi eles htigel se kóm ne hol hfólem nawam. Uu mò fen bud tles malak kul ni kem tau ni ebè yóm tonok tehe fasad Dwata bè yó kem tehe fù le. Uu mò tmóbóng kul anì hlós kegfun le du yóm tonok yó.

Dwata 34:4

Omin Dwata mon du mò ke Musis, “Ni se yóm tonok tehe fasadu ke Abraham ne Isak ne Jakub mò angat blayu bè yó kem sfu le. Olohu hton du kóm tahen yóm tonok tu okóm là heflósu kóm etu.”

Juswa 1:6

Hol hotuhem gelem ne hol hfólem nawam, yakà uu du malak kul ni kem tau ni eta yóm tonok tehe fasadu yó kem tehe fù ye.

Kmukum 2:1

Wen hógów Dwata gu bè longit lemwót bè Gilgal mógów etu bè Bukim. Yóm kkólen ditu, yó udélen ebè yó kem tau Israél, monen, “Deng hewau yu gu bè Idyip ne nwitu yu ebè nim tonok tehe fasadu yó kem tehe fù ye. Deng monu mò kuy là gbeku du ke là dnohou du yóm deng senfasad tekuy ditu bè Bulul Sinay.Ne yó deng kuy fasad do, béen wen senfasad ye bè yó kem tau menwu bè ni. Deng tehe dóku kuy hol genbà ye yó kem gónó le gel demsù ebè yó kem kul dwata lennged. Okóm là kô nimón ye du yóm deng hmou kuy yó.