Dwata 1:4 - Udél Dwata: Gna Kesfasad ne Lomi Kesfasad

⁴ Yóm ktulónen du kul yó, kogol yóm kegmò Musis bè le Sihun yóm tau hol geta bè yó kem tau Amurayt mogot yóm benwu Hisbun ne Ug bè Basan yóm tau hol geta mogot bè yó kem benwu boluy le Astarut ne Idri.

Dwata 1:4 Referans Kwoze

Nihimaya 9:22

Tey dê kem benwu mbegel gónóm hegmò kul, gomong yóm dê but tau nô lemen. Deng eles wen kem benwu mayuk tehe eles tgamahem kul, duhen yó sem tonok Hisbun, yóm benwu nogot Sihun ne tonok Basan yóm benwu nogot Ug.

Kem Lingón 135:11

Hnatayen Sihon yóm tau hol geta bè yó kem tau Amurayt, ne Og yóm tau hol geta bè yó kem tau bè Basan, kkólen bè yó kem tau hol geta bè Kanan, gotu hnatayen lu.

Tekang Kbuten 14:5

Bè yóm gesfoloen fat halay, yó nmò yóm tau hol geta natù le yó, gotu nwiten yóm tlu kem tau hol geta dumun sofin ne yó kem sendalù le na le e gmida. Ne matù le bè yó kem tau Rifaim bè benwu Astirot Karnaim ne bè yó kem tau Susim bè benwu Ham ne bè yó kem tau Imim bè Datal Kiriyatim

Dwata 1:5

Yóm kbut Musis tmulón du yó kem tau Israél yóm hlau Dwata kul ne yó kem toloken kul, tolo le nô fi dmata kdaw Él Jurdan he bè benwu Muab. Yó mon Musis mò kul,