Dwata 1:1 - Udél Dwata: Gna Kesfasad ne Lomi Kesfasad

¹ Nim bok ni gónóhen nô yó kem tehe udél Musis ebè yó kem tau Israél bè yóm tehe knô le bè yóm benwu laen hol wen tauhen fi dmata kdaw Él Jurdan. Tolo le kmamfù bè Datal Jurdan moni bè yóm benwu boluyen Suf. Yóm gónó le kmamfù yó, nô bè gónón sóól yóm benwu boluyen Paran ne yó kem benwu boluy le Tufél ne Laban ne Hasirut ne Disahab.

Dwata 1:1 Referans Kwoze

1 Samwél 25:1

Omin Samwél matay ne tódô kdéen tau Israél gotu stifun lemangag du ne lebeng le bè benwuhen bè Rama bè klohok gónóen. Kewót Dabid bè yó, bud mosol ebè yóm benwu laen hol wen tauhen boluyen Maun.

Juswa 9:10

Ne gungol me snéen yóm nmoen bè yóm lewu kem tau hol geta bè yó kem tau Amurayt nô fi dmata kdaw Él Jurdan, bè le Sihun bè Hisbun ne Ug bè Basan yóm tehe nô bè Astarut.

Juswa 9:1

Yóm gel kegmò yó kem tau Israél tey glalag bè yó kem hohon le, botong gefet bè yóm kdê tau hol geta nô fi desdef Él Jurdan. Lu se yó kem tau hol geta bè yó kem tau Hitayt ne bè tau Amurayt ne bè tau Kanan ne bè tau Pirisayt ne bè tau Hibayt ne bè tau Jibusayt. Ni kem tau ni, wen se bélê le nô lem bulul ne wen se bélê le nô gu lem but henfek ne wen se nô hilol Mohin Miditiranyan efet kól ditu senbwak Bulul Libanun.

Dwata 33:2

“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

Lista 32:32

Lemwót bè yóm kalaken kum angat me mifal etu bè Kanan ne me e mung bè sgida anì hlós kum funen nim tonok fi dmata kdaw Él Jurdan ni.”

Lista 32:19

Ne là kô me na a bud gbót ma bè yóm kul tonok fi fatu Él Jurdan abay se deng wen yóm kum ólól bè ni bè fi dmata kdaw yóm Él Jurdan.”

Lista 32:5

Ke yóm hyu bélê ye, hol blay ye kum nim tonok lamang ni mò kum nfun ne bê ye dog bud hifal mi efatu Él Jurdan ne.”

Lista 13:3

Tahu se, nimón Musis yóm mon Dwata mò du yó. Ne bè yó bè Paran, bè yóm benwu laen hol wen tauhen gónón hewót kul yóm sfolò lewu kem tau malak néléken. Là gomongen bè nili yóm bérs 4 efet kól bè bérs 16. Hono boluy yóm sfolò lewu kem tau nélék Musis mò na a hemkana bè benwu Kanan.

Lista 12:16

Bè yóm kkólen lem blóng le, bud kewót le bè yó bè Hasirut ne yó bud gónó le kmamfù bè yóm benwu laen hol wen tauhen boluyen Paran.

Lista 11:35

Bud kewót le bè yó, yó kem tau Israél, hlós le etu bè Hasirut ne bè yó bud gónó le na kmamfù.

Tekang Kbuten 21:21

Ngangen ne efet hyehen yéen bè yóm sotu ngà libun Idyip.

Lista 13:26

ebè le Musis ne Aron ne ebè yóm kdéen tau Israél tolo kmamfù bè Kadis glem lem Paran, yóm benwu laen hol wen tauhen. Gotu tulón le yóm kdê deng ton le ne gotu tolok le se yó kem bungu koyu nwit le mulék.

Hbakuk 3:3

Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

1 Bok Kem Tau Hol Geta 11:18

Mlóy le lemwót bè yó bè Midyan, mógów le etu bè Paran, ne wen kem dumu tau mung kul etu bè Idyip na le e mógów ebè Faro yóm tau hol geta bè Idyip. Botong wen tonok blayen ke Hadad, ne wen gónóen, ne du temdof kul ken.

Dwata 5:1

Omin Musis gotu htaba yó kem tau Israél ne monen mò kul, “Ó kem tau Israél, hol hnungol ye yó kem hlau Dwata tulónu kuy kemdaw ni. Hol dnalang ye ne hol nimón ye.

Dwata 27:1

Omin Musis ne yó kem tuha gel malak yó kem tau Israél mon du bè yó kem tau Israél, “Hol nimón ye yóm kdê hlolò Dwata deng tulónu kuy kemdaw ni.

Dwata 31:1

Tódô henlel Musis mudél ebè yó kem tau Israél