Danyél 9:9 - Udél Dwata: Gna Kesfasad ne Lomi Kesfasad

⁹ Okóm uu se yóm sana kum Dwata hol gónó mogot, teyi kmodu ne mahili hmifót balù yóm deng gel katù me kóm.

Danyél 9:9 Referans Kwoze

Danyél 9:7

Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Danyél 9:5

Okóm nim mi deng me gemsalà béléem, nmò me yóm là hyuhen. Deng natù me uu ne deng knogol me yó kem hlauhem ne yó kem hloloem kum.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

Kem Lingón 130:7

Ó kem tau Israél, hol ye smalig bè Dwata, abay se là kóen monol yóm kbong nawahen tekuy. Hol nô bè nawahen yóm któbóngen tekuy.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

Kem Lingón 130:4

Okóm deng tódô hnifótem mi, anì yó, wen klikò me mulé kóm.

Kem Lingón 62:12

Ne bud kóm funen, Dwata, yóm kbong nawa là monolen. Yóm ofol blayem bè tau, tódô geblà bè yóm deng kul nmò.

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Isaya 63:7

Angat tulónu yóm là kilihen yóm kbong nawa Dwata tekuy. Tey kdóyónu du lemwót bè yóm deng nmoen bélê tekuy. Tey któbóng Dwata yó kem tau Israél lemwót bè yóm alì kkoduhen kul ne yóm là kilihen yóm kbong nawahen kul.

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Nihimaya 9:31

Okóm lemwót bè yóm alì kkoduhem kul, là kô dog bayaem kul ne là se dog genlaem kul. Tey minggel nawam yóm uu, Dwata, ne tey kkoduhem tau.

1 Bok Kem Tau Hol Geta 8:30

Hol hnungolem yó kem gel hnihu béléem, dalang se kul gel hni yó kem tauhem Israél igò me smolu ebè yóm Gónóem ni. Hol hnungolem mi igoem nô dyó bè gónóem nô bè longit, ne ke deng gungolem, hol hnifótem mi.

Danyél 9:6

Là hnungol me kul yó kem tau tóbóng lówóhem, duhen yó se kem tugodem kem tau tehe hudélem ebè yó kem tau hol geta me ne ebè yó kem sfu tau hol geta genlal bélê me ne ebè yó kem tehe fù me, dalang se ebè yóm kdéen tau tehe nô lem benwu me.

Danyél 9:8

Ó Dwata yóm sana Dwata hol kum gónó mogot, tey bong kyak me béléem gomong yó kem tau hol geta me ne yó kem sfu tau hol geta genlal bélê me, kkólen bè yó kem tehe fù me, lemwót bè yóm deng kegsalà me béléem.

2 Samwél 24:14

Omin Dabid mon du mò ke Gad, “Tey sidek kgelen béléu se nim ni. Mom hyu ne ke Dwata tmafak kum, abay se hulung kmodu. Bée dou ke tau tmafak do.”