Danyél 9:7 - Udél Dwata: Gna Kesfasad ne Lomi Kesfasad

⁷ Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Danyél 9:7 Referans Kwoze

Danyél 9:14

Yó se gónó Dwata heglumfak du kum nim glumfak ni, yóm sana kum Dwata hol gónó mogot. Tey tedeng yóm kdê nmoen, ewenem là kô dog olò nimón me du.

Danyél 9:8

Ó Dwata yóm sana Dwata hol kum gónó mogot, tey bong kyak me béléem gomong yó kem tau hol geta me ne yó kem sfu tau hol geta genlal bélê me, kkólen bè yó kem tehe fù me, lemwót bè yóm deng kegsalà me béléem.

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Kem Lingón 44:15

Tódô knoyungen kdaw yóm tendo kyaku, là kô bud gbeku temngel ebè kem dumuhu

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Amus 9:9

Yakà deng monu du angat gotu hefsideku yó kem tólóng benwu yó kem tau Israél, lómó kmou kul, lómón yóm halay tneef anì mkó kafahen. Okóm balù sbotù halay hyu ke btang ebè tonok.

Isikél 36:31

Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Isaya 45:16

Yó kem tau gel mò dwata lennged, tey sidek kyak le yóm kdê le.

Kem Lingón 119:137

Ó Dwata, tey ktedengem, ne tey tedeng yó kem hlauhem.

Kem Lingón 51:14

Ó Dwata yóm gel lemwà dou, hol hnifótem ou bè yóm tey litô deng hdanagu. Ke yó se nmou, hligale mutóm du bè sngal yóm kehlifótem salà.

Kem Lingón 51:4

Béléem nim gónóhu gemsalà ni, deng gmou yóm kenbéem. Yó gónóm mon, là kóen sidek ke hensalaem ou. Bong knóón ke tnafakem ou.

Nihimaya 9:33

Laen kô gónón sidek yóm ktafakem kum, Dwata. Là kóen monol yóm nawahem ebélê me, balù yóm deng kmò me du yóm kenbéem.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Danyél 9:18

Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.

Jirimaya 7:19

Okóm bè yóm gel nmò le yó là ou du yóm henyak le, kaem kul knô.”

Jirimaya 32:32

Yó alì hebut dou yó kem salà yó kem tau bè Juda ne bè Israél dalang se yó kem tau bè Jirusalim, salà yó kem tau hol geta bélê le ne yó kem genlal le ne yó kem tau gel blóng ebéléu ne yó kem tugodu.