Danyél 9:5 - Udél Dwata: Gna Kesfasad ne Lomi Kesfasad

⁵ Okóm nim mi deng me gemsalà béléem, nmò me yóm là hyuhen. Deng natù me uu ne deng knogol me yó kem hlauhem ne yó kem hloloem kum.

Danyél 9:5 Referans Kwoze

Malakay 3:7

Tódô lenwóten bè yóm tehe kul kdaw yó kem tehe fù ye ekni yóm kkogol ye du yó kem dou hlau ne là kô lolò ye du. Semfulék ye ebéléu dé ne bude semfulék ebélê ye se dou,” udél yóm Dwata laen dù là gbeken du. Okóm mom yó snólók ye, “Tedu kmò bud kesfulék me ebéléem du igò me sem là hlayuk béléem?”

Danyél 9:11

Tódô kdê me tau Israél, là kô nimón me du yó kem hlauhem, deng mom knogol me lel me là móyô hmungol kóm. Yó gónóm mon, lemwót bè yóm deng kegsalà me béléem, deng gotu kokem eta me yóm tey tafak ne yóm kukum mget deng snulat bè Hlau Musis.

Danyél 9:15

Ne ni Dwata, uu se yóm sana kum Dwata hol gónó mogot deng me gemsalà béléem, hono sidek yóm gel nmò me igoen tey tótól yóm boluyem efet yóm kmoen ni lanem tehe lemwà yó kem tauhem gu bè Idyip, botong kóm kegbek.

Kem Lingón 106:6

Deng me gemsalà se kum, mkél me bè yó kem fù me, deng me mò sidek, ya tey sidek yó kem nmò me.

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

Kem Lingón 18:21

Abay se deng lolou yóm kun lan Dwata, ne là kô knogolu du ke tô nmou yóm sidek.

Jirimaya 3:25

Deng tey kyak me ne ni laen dù bud madat kum, yakà deng tódô lenwóten du bè yó kem fù me ekni yóm tendo kmò me salà bè yóm sana kum Dwata hol gónó mogot. Balù udì se ke deng tô nimón me.”

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Kem Lingón 119:102

Là kô deng snonolu kul yó kem hloloem do, abay se hol uu, Dwata, yóm gel tmolok dou.

Kem Lingón 119:176

Denge tabag lómón ke yóm ubiha lana, géhél hnebelem ou, yóm tau tóbóng lówóhem, abay se là kô naw e klifót kul yó kem hlauhem.

Danyél 9:9

Okóm uu se yóm sana kum Dwata hol gónó mogot, teyi kmodu ne mahili hmifót balù yóm deng gel katù me kóm.

2 Bok Kem Tau Hol Geta 18:12

Ni se gfà yó kem tau Israél lemwót bè yóm là kimón le du yóm sana kul Dwata hol gónó mogot, deng mom nulé le yóm tehe kesfasad le Dwata, là bud lolò le du yó kem tehe hlolò Musis kul yóm tau tóbóng lówó Dwata. Là kô bud hnungol le du, ne là se kô nimón le du.

Isaya 64:4

Laen kô deng tau mton du yóm Dwata lómón uu, duhen ke deng wen gmungol du yóm Dwata gembek mò du yóm tennga nmò bè yó kem tau kemgel du nawa.

Jirimaya 14:20

Deng me gemsalà béléem, Dwata. Hen-gsel me ne yó kem salà me, gomong yóm salà yó kem tehe fù me. Deng me gotu gemsalà béléem yóm kdê me.

Jirimaya 30:14

Kdê yó kem wè ye tô tmóbóng kuy gotu sentagak le yu, là kô bud kenmón le kuy. Tey sidek yóm khaliu kuy lómón ke hol hohonu yu, abay se tey deng wen ne yó kem salà ye ne tey bong yóm nô ta ye.