Danyél 9:23 - Udél Dwata: Gna Kesfasad ne Lomi Kesfasad

²³ Hanà tolo nbutem mni bè Dwata, deng sana bnalaen u ne ni se nógówu naw e tulón kóm, abay se tey bong nawahen kóm Dwata. Yó gónóm mon, hnungolem ni anì hol getnefem yóm hton Dwata kóm.

Danyél 9:23 Referans Kwoze

Danyél 10:19

Yó bud monen mò do, “Béi abay hlikò, Danyél, yakà tey kbong nawahen kóm Dwata. Dwata he henek nawahem, hekgisi ne hgelem nawam.” Tahu se, yóm igoen mudél ebéléu yó, bud mulék kgisu ne monu mò du, “Yó ne Sér, henlósem yóm tulónem do, yakà deng hekgisem o.”

Matyu 24:15

Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.

Kun Snulat Luk 1:28

Tódô sut bè Midi yóm hógów Dwata yó koni, ne monen mò du, “Na Midi, tey nawahen kóm Dwata. Tendo gel nô béléem.”

Danyél 6:3

Bè kdê yó kem tau deng nélék yóm tau hol geta, són Danyél yóm tonen bong kenhulungen senta yó kem dumuhen ne yó gónón tô mélék du mò mogot klamang yóm benwu knamalen.

2 Bok Kem Tau Hol Geta 19:20

Ominen bud wen sulat hwit Isaya ngà Amus ebè Hisikaya, monen, “Ni se udél hwit Dwata yóm Dwata yó kem tau Israél. Yó monen mò kóm, Deng gungolu yóm knihem béléu gbak bè Sinakirib yóm tau hol geta bè Asirya.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.