Danyél 9:22 - Udél Dwata: Gna Kesfasad ne Lomi Kesfasad

²² Yó tulónen do, monen, “Ó Danyél, mógówe edini naw e benlay u khulung temnef bè yóm angat nmò Dwata bè yó kem tau Israél elem hulin kdaw.

Danyél 9:22 Referans Kwoze

Danyél 8:16

Ne tódô gungolu se yóm taba tau gu bè yóm Él Ulay, monen, “Ó Gabrél, géhél tulónem du hnigaden yóm tonen.”

Sikaraya 1:9

Ominu smólók yóm hógów Dwata gel stulón do, “Ó Sér, tedu nmò le yó kem kmudà yó?” Bnalaen se o, monen, “Toloku kóm.”

Deng Hegfan 4:1

Kogolen yóm yó koni, bud wen tonu. Tódô tonu hnas yóm sotu bak dól bè longit. Ne bud mudél se yóm tehe mudél ebéléu, yóm lómón uni féw bong udélen, monen mò do, “Mógówi edini kun, naw e tolok kóm yó kem sut hulin kdaw.”

Sikaraya 1:14

Ominen mudél ebéléu yóm hógów Dwata gel stulón do, monen “Ni se udél yóm Dwata laen dù là gbeken du, monen, ‘Yóm kbong nawahu yóm syudad Jirusalim dalang se yóm Bulul Sayun, laen kô dù semnged du.

Danyél 7:16

Yó nmou, hlonihe ebè yóm sotu mdà klohok yóm bangkù gónón myón kmamal, snólóku béléen lanen yóm kdê tonu yó. Tahu se, gotu tulónen do yóm hnigaden, monen,

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Danyél 10:11

Yó udélen ebéléu yóm tau yó, monen, “Ó Danyél, yóm tau alì kenbong nawa Dwata, hol hentilobem hemklingu du ni kem tulónu kóm ni. Mdai ne, abay se wen hógów dou ebéléem.” Yóm kmonen du mò do yóm yó, tódóe mdà igoen tolo setbol kkelu.

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.