Danyél 9:21 - Udél Dwata: Gna Kesfasad ne Lomi Kesfasad

²¹ Yóm igou tolo mni, tódô tonu Gabrél yóm hógów Dwata deng tehe tonu bè yóm gna kwen hton Dwata do, tódô kentohen sut gu bè longit ne hlós ebéléu, uma kóm gbangà bè yóm udas me tehe gel demsù kimel.

Danyél 9:21 Referans Kwoze

Kun Snulat Luk 1:19

Ne bud mudél ebéléen yóm hógów Dwata, monen, “Ou se Gabrél. Gele mdà bè solu Dwata ne du yóm hógów do mò na a tmulón du kóm nim Tulón Hyu ni.

Danyél 8:16

Ne tódô gungolu se yóm taba tau gu bè yóm Él Ulay, monen, “Ó Gabrél, géhél tulónem du hnigaden yóm tonen.”

Danyél 10:16

Ominen lemwót yóm lómón tô tau ktonu du nduen sumóngu, ominu yó gudél. Yó udélu ebè yóm mdà bè soluhu yó, monu, “Ó Sér, tey sidek klikou du yóm deng hton Dwata do, botonge lenmek.

1 Bok Kem Tau Hol Geta 18:36

Bè yóm deng uras kedsù le kimel, lemwót Ilaydya yóm tau tugod Dwata, hloni ebè yóm gónó demsù ne mni bè Dwata, monen, “Ó Dwata, yóm tehe kun Dwata Abraham ne Isak ne Jakub, hol hegfanem udas ni uu yóm kul Dwata yó kem tau Israél, ne ou se yóm tóbóng lówóhem ne deng gotu nmou ni kem hmoem do ni.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Kul Nmò 10:3

Sotu kdaw bè yó, deng dô tlu uras kimel, wen hógów Dwata gu bè longit tódô hegfan béléen, tey mdengen ktonen du. Mudél ebéléen yóm hógów Dwata yó, monen, “Ó Kurnilyus.”

Danyél 10:18

Ominen bud mogot dou yóm lómón tô tau yó koni, tódô gnómu bude mgel.

Danyél 8:18

Yóm igoen mudél, botong là bude temngón sana kefenu bè tonok. Okóm leninggil Gabrél ou ne tnóbóngen ou, ominu yó bude mdà.

Isaya 6:2

Wen kem hógów Dwata mdà gu hilolen hol lómón ke dilóf ofi kmò le. Sket kul na nem hafak le. Yóm lewu hafak le lenimunen uyó le. Ne bud yóm lewu lenimunen ti le. Ne yóm lewu dù hafak le mit kul móyóng.

Kem Lingón 103:20

Hol dóyón ye Dwata, yu kem alì kemgis ne alì gembek gel hógówen gu bè longit. Yu se yó kem tendo gel mimón du ke wen dóken, ne tendo gel hmungol du ke wen monen.

Hibru 1:7

Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Kul Nmò 12:7

Tódô wen hógów Dwata gu bè longit sut bè yó, ya tey klayagen lem yóm blanggù. Ominen leminggil bemtik ke Pitér, nogoten bè abalen, monen, “Géhéli ne, Pitér, btiki.” Tahu se, btik Pitér. Tódô gotu bkas yó kem kdina fét le bè sigelen.

Kul Nmò 10:9

Hayahen bè yó, deng móyónen gtungu kdaw, deng le moni ne bè Jupa. Bè yóm uras yó, lemwót Pitér mógów ebè gónó henos ditu ta na a mni bè Dwata.

Kul Nmò 3:1

Sotu kdaw bè yó, deng tlu uras kimel, lemwót le Pitér lewu le Jan mógów le ebè yóm Gónô Dwata. Yó se yóm sana gel kmò kdaw na le e gel kni bè Dwata.

Matyu 27:46

Timbow deng sóól mosol kdaw, omin Jisas hgel udélen, monen bè hol kun udél, “Eli, Eli, lema sabachthani?” Yó lanen yóm udélen yó, monen, “Ó Dwata, Ó Dwata, moen de ke tódô bayaem ou?”

Danyél 10:10

Ominen tódô wen mogot do, nkayen o efet gtudu bukolu ne hólólu bè tonok igou kenkel.

Isikél 1:14

Ke sok bang le lemwót lómón ke mkal silà tek sudof, senged se bè yóm kkól le.

Isikél 1:11

Ne wen fat hafak le yóm ket kul na sotu. Ke nból le eta yóm lewu hafak le, tódô stud bè tukô hafak yóm lewu kem dumu le sedà. Ne yóm dù lewu hafak le sentifes le ebè lówó le.

Kem Lingón 104:4

Lenos se mò fen gel hógówem, ne yóm silà, yó se mò tóbóng lówóhem.

Kun Snulat Luk 1:26

Tikóng deng nem ne bulónen yóm bnutut yehen Sekariya, bud hógów Dwata Gabrél etu bè Galili ebè yóm sotu benwu udì boluyen Nasarit.

Deng Hegfan 9:17

Bè yóm kehegfan le béléu, tódô tonu yó kem kudà ne yó kem tau smakay kul. Tódô le sket onit. Wen se onit hulô, hol lómón dilóf ofi. Ne wen se ginggung lómón yóm botu safar. Ne bud wen se lómón kbuda mélél. Yóm kulu kudà le, lómón kulu liyun. Són semfut gu lem bak le ofi ne kebel ne dilóf kbuda.

Kem Lingón 141:2

Henmóyóem yóm knihu, mò henged boo tilob ntemu ebéléem. Ne yóm kehdau sigelu eta, mò henged dsuu ebéléem ke kimel.

1 Bok Kem Tau Hol Geta 18:29

Tódô kkól le kimel tmaba ne mensag efet kól bè yóm uras le gel demsù kimel. Okóm laen kô dù malà kul, balù udì ke wen gungol le.