Danyél 9:18 - Udél Dwata: Gna Kesfasad ne Lomi Kesfasad

¹⁸ Ó Dwata, hol henklinguhem o hol hnungolem o, temngeli gu dyó tenngelem nim glumfak me yóm kegbà yóm syudad mit yóm kóm boluy. Là yó du gónó me mni tóbóng béléem ke lemwót bè ktedeng me, okóm lemwót bè yóm alì khulungem kmodu.

Danyél 9:18 Referans Kwoze

Isaya 37:17

Hol hnungolem mi, Dwata, ne hol hnénégem yóm deng gefet bélê me ni. Hol hnungolem yóm alì kehnê Sinakirib kóm yóm tau hol geta bè Asirya. Tey kehnéen kóm igoen uu yóm kum Dwata là matayen.

Jirimaya 36:7

Ke deng gungol le yóm alì khééten yóm kebut Dwata kul, kaem knogol le yó kem sidek nmò le ne mni le seflifót bè Dwata.”

2 Bok Kem Tau Hol Geta 19:16

Hol hnungolem o, Dwata, hol hnungolem nim hnihu. Temngeli gu dyó bè longit, tenngelem nim sulat ni. Hol hnungolem yóm kdê udél Sinakirib hemnê kóm yóm Dwata là matayen.

Isikél 36:32

Hol bê ye abay klifót yóm deng tulónu kuy, udél yóm sana Dwata hol dandónen geta. Sundu yó gónóhu mò du nim ni ke lemwót bè yóm hyu deng nmò ye. Ó kem tau Israél, yake hol ye hyak bè yóm gel kmò ye sidek.

Jirimaya 15:16

Dengi mudél ebéléu ne gel hnungolu se yóm kdê udélem. Bè kóm udél se gónów gel hligal, yakà uu du se yóm Dwata laen dù là gbeken du ne kóm boluy yóm gel nwitu.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

Jirimaya 37:20

Duhen ni, uu se gónóhu mogot, hkoduhe béléem béem abay bud heblanggù ou ne ditu laan tonok bè gónô Junatan yóm tau gel smulat bè kukum. Ke bud heblangguem ou ditu angate matay ditu.”

Jirimaya 14:9

Moen de ke laen dù gmoem, lómón yóm sendalù là gbeken du tmóbóng? Uu se hol nô bélê me, Dwata, ne mi se yó kem kóm tau. Hol béem abay tódô bayà mi.”

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

1 Bok Kem Tau Hol Geta 8:29

Hol tendo tnanudem ket kdaw ne ket kifu yóm Gónóem ni, ni se yóm gónô tehe monem mò gónóm hemsù yóm kóm boluy. Hol tnanudem anì gungolem o ke gele mni béléem igou smolu ebè nim gónóem ni.

Kehewà 3:7

Omin Dwata bud mudél ebéléen, monen, “Deng tonu yóm alì keglayam yó kem dou tau bè Idyip. Gungolu yóm tey ktaba le ebéléu anì wen lemwà kul bè yóm gónó le ghesek. Gotu tngónu yóm kdê gónó le glayam.

Isaya 64:12

Ó Dwata, là dog kenmónem kul kô yó kem deng nmò le bélê me ni? Laen dù lanem tmóbóng kum kô? Henlósem hmayam kum kô efet là bud gbek me hembala du?

Kem Lingón 116:1

Tey bong nawaw ke Dwata abay se gel hnungolen o. Sal gel hnungolen ke wen hnihu béléen.

Danyél 9:7

Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Lista 6:27

Ne yó udél Dwata, monen, “Bè yóm kuyag le Aron kul yó kem tau Israél mò gónón gdilô yóm kfunu kul ne ou se yóm muyag kul yó.” Là gomongen bè nili yóm tsaptér 7. Tulónen yóm kul gel blay ebè Dwata yó kem tau gel malak yó kem tau Israél bè yóm kehdà le yóm Gónô Dwata. Là gomongen bè nili yóm tsaptér 8. Tulónen yóm kmò khólós yó kem sfu Libay ne yóm kmò kehetfing le kul ebè Dwata.

Kem Lingón 25:6

Hol hentulónem nawa, Dwata, yóm kbong nawam tau ne yóm kkodum tau, yóm tehe kehegfanem du bè gnan kdaw ekni.

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

Isikél 36:22

Yó gónóm mon, hol tulónem bè yó kem tau Israél yóm udél yóm sana Dwata hol dandónen geta, yó monen, Angat bud nitu yu semfulék ebè yóm kuy benwu, okóm là lemwóten bè yóm hyu gel nmò ye. Yó gónóhu bud mit kuy semfulék, abay se là móyóe du ke gbà yóm dou boluy, yóm boluy deng gomong myak bélê ye bè yó kem benwu deng gónó ye e sekla.