Danyél 9:16 - Udél Dwata: Gna Kesfasad ne Lomi Kesfasad

¹⁶ Ó Dwata, lemwót bè yóm tey kehyu yóm tehe gel któbóngem kum, yó gónó me mni béléem anì béem bud lenbut ne yóm syudadem Jirusalim yóm kóm bulul. Lemwót bè yó kem salà me ne salà yó kem tehe fù me but gónó le alì hemnê yóm benwu Jirusalim ne yó kem tauhem yó kem tau menwu hmilol kum.

Danyél 9:16 Referans Kwoze

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Danyél 9:20

Tódô henlelu mni bè Dwata yóm sana kum Dwata hol gónó mogot ne benkasu ebéléen yó kem salà me mi kem tau Israél ne henkoduhu béléen yóm bud ketloben Jirusalim yóm kun bulul gónó nô bè yó.

Kem Lingón 31:1

Ó Dwata, són béléem gónów hofin. Hol tnóbóngem ou anì laen dù gónów myak. Lemwót bè yóm tey ktedengem, hol lenwaem ou.

Kem Lingón 79:4

Deng hennê le mi yó kem tólóng benwu hmilol, knuli le mi, lel le semdekà kum.

Kem Lingón 71:2

Lemwót bè yóm tey ktedengem, hol lenwaem ou lem hólól yó kem hohonu. Hol henklinguhem ou, ne lenwaem ou.

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

1 Jan 1:9

Okóm ke gotu benkas ye ebè Dwata yó kem salà ye, là gbeken du ke là hnifóten kuy, yakà wen yóm tehe fasaden tekuy. Gotu hnifóten yó kem salà tekuy, ne gotu kóhen bélê tekuy yóm kdê nmò tekuy là hyuhen.

2 Tisalunika 1:6

Tey tedeng yóm nmò Dwata bélê ye. Tnafaken yó kem tau hemsidek kuy

Jirimaya 32:32

Yó alì hebut dou yó kem salà yó kem tau bè Juda ne bè Israél dalang se yó kem tau bè Jirusalim, salà yó kem tau hol geta bélê le ne yó kem genlal le ne yó kem tau gel blóng ebéléu ne yó kem tugodu.

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Kem Lingón 143:1

Ó Dwata, hol hnungolem yóm knihu béléem, hnungolem yóm kehkoduhu béléem. Hol bnalaem o, abay se là kóen monol nawahem ebéléu, ne tey tedeng yóm kóm kmò.

Kem Lingón 41:13

Hol dóyón tekuy Dwata yóm Dwata yó kem tau Israél. Laen kô dù tul sónen yóm gel kdóyón tekuy du. Hol tahu se yó.

Nihimaya 9:8

Bè yóm deng ktonem yóm tey kteneben béléem, yó gónón wen senfasad ye. Yó fasadem du, blayem du yóm kul tonok yó kem tau Kanan ne yóm tonok yó kem tau Hitayt ne tau Amurayt ne tau Pirisayt ne tau Jibusayt ne tau Girgasayt. Yóm tonok fasadem du ni mò gónó le menwu yó kem angat semfu gu béléen. Ne là kô klifótem du yóm deng fasadem du yó abay se là kóen mili nawahem.

1 Samwél 2:7

Bè Dwata se gónón lemwót yóm kélél ne bud du se gónón lemwót yóm kendengen. Wen se tau heglaanen, ne wen se hegetahen.

Kem Lingón 85:4

Bud hesfulékem mi ebéléem, Dwata yóm Dwata gel lemwà kum. Hol klifótem ne yóm kebutem kum.

Jirimaya 32:31

“Tódô lemwót bè kbut kehdà le nim syudad ni, laen kô dù dumu nmò le ke là lembute du. Ni se gónóhu gembà du.

Kem Lingón 89:51

Hono hohonem, Dwata, yó kem tau hemnê yóm tau hol geta deng nélékem. Kihu gónón e solu, tendo hennê le.