Danyél 9:14 - Udél Dwata: Gna Kesfasad ne Lomi Kesfasad

¹⁴ Yó se gónó Dwata heglumfak du kum nim glumfak ni, yóm sana kum Dwata hol gónó mogot. Tey tedeng yóm kdê nmoen, ewenem là kô dog olò nimón me du.

Danyél 9:14 Referans Kwoze

Danyél 9:7

Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Nihimaya 9:33

Laen kô gónón sidek yóm ktafakem kum, Dwata. Là kóen monol yóm nawahem ebélê me, balù yóm deng kmò me du yóm kenbéem.

Kem Lingón 51:14

Ó Dwata yóm gel lemwà dou, hol hnifótem ou bè yóm tey litô deng hdanagu. Ke yó se nmou, hligale mutóm du bè sngal yóm kehlifótem salà.

Jirimaya 31:28

Bè yóm gnan kdaw, lómón ke kendutu lu ne lómón ke hebtangu yóm benwu le. Ne gotu genlau lu ne wen tey heglumfaku kul. Okóm bè hulin kdaw, bud huluhu lu ne bud hdau yóm kul benwu,” mon Dwata.

2 Tutul Israél 12:6

Bè yóm kungol yóm tau hol geta du ne yó kem genlalen, botong le heglaan bè Dwata, mon le, “Tey tedeng yóm nmò Dwata bélê tekuy ni.”

Kem Lingón 116:5

Tey kmodu yóm gónó tekuy mogot, ne tey kehyuhen. Tey kkoduhen tau yóm Dwata tekuy

Kem Lingón 119:137

Ó Dwata, tey ktedengem, ne tey tedeng yó kem hlauhem.

Kehewà 9:27

Omin Faro htaba kul le Musis ne Aron, monen mò kul, “Denge gemsalà ne dou. Tey tedeng yóm kun nmò Dwata okóm yóm dou ne yó kem tauhu, là kô me tedeng.

Kem Lingón 111:7

Yóm kdê nmoen, sal tedeng, sal hyu, ne hono gsalig yó kem hlauhen tekuy.

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.