Danyél 9:13 - Udél Dwata: Gna Kesfasad ne Lomi Kesfasad

¹³ Deng gotu dohò eta me kdê yó kem tafak deng snulat lem yóm Hlau Musis. Okóm efet ni laen deng gónó me hefligal du yóm sana Dwata hol gónó mogot ke knogol me yó kem salà me ne ke lolò me yóm kóm ktahu.

Danyél 9:13 Referans Kwoze

Danyél 9:11

Tódô kdê me tau Israél, là kô nimón me du yó kem hlauhem, deng mom knogol me lel me là móyô hmungol kóm. Yó gónóm mon, lemwót bè yóm deng kegsalà me béléem, deng gotu kokem eta me yóm tey tafak ne yóm kukum mget deng snulat bè Hlau Musis.

Jirimaya 2:30

Deng tnafaku yó kem ngà ye, okóm là kô le medlà. Là kô le mimón. Bud yu se yó kem tau tendo gel hmatay yó kem tau tugodu, lómón ke yu yóm liyun tendo módód msék.

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Kem Lingón 119:27

Tnóbóngem o anì hol tngónu lanen yó kem hlauhem, senflósu hemdem du yó kem hentaw ton gel nmoem.

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

Ifisus 4:21

Deng gel gungol ye yóm kun kmò, ne lemwót bè yóm deng klolò ye du, deng tolok le kuy yóm hol ktahuhen lemwót bè Jisas.

Kun Snulat Jan 10:35

Na,” mon Jisas, “hónô tngón tekuy yóm deng tehe hsulat Dwata, là kô gbek tekuy bud temles du. Ke deng bnoluy Dwata lu dwata yó kem tau tehe hogoten udélen,

Kun Snulat Jan 8:32

Ne angat tngón ye se yóm ktahuhen. Ne yóm ktahuhen yó, yó se hewà kuy bè yóm gónó ye ghesek.”

Kun Snulat Jan 6:45

Wen snulat yó kem tehe gna tugod Dwata ekni, yó mon le, ‘Angat tolok Dwata kdéen tau.’ Yó se tau hmungol ke Mà ne wen dnalangen béléen,” mon Jisas, “yó se yóm tau mógów ebéléu.

Kun Snulat Luk 24:45

Ominen yó heglileb du kul yóm tehe deng hsulat Dwata yó,

Isaya 64:7

Laen dù tau tmaba ebéléem ne laen se dù tau htóbóng béléem. Dengi mom hebnos bélê me, deng tódô bayaem mi abay se lemwót bè salà me.

Isaya 42:9

Yó kem deng tehe eles tulónu kuy, deng tódô tahu edu. Ne ni bud wen lomi eles tulónu kuy gu laanen là deng sut.”

Kem Lingón 119:73

Uu se tehe mò do, Dwata. Ne ni benlayem o khulung temnef anì lolou yó kem hlauhem.

Kem Lingón 119:18

Htonem do yóm ktahuhen alì tennga lem yóm hlauhem.

Kem Lingón 85:4

Bud hesfulékem mi ebéléem, Dwata yóm Dwata gel lemwà kum. Hol klifótem ne yóm kebutem kum.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

2 Bok Kem Tau Hol Geta 22:16

‘Angat genlau nim syudad ni gomong yó kem tau nô lemen, ulitu bè yóm deng tulónen lem yóm bok lomi senfala yóm tau hol geta bè Juda.

Isaya 43:22

Bud mon Dwata, “Okóm kuy kem tau Israél, deng ye tmakas béléu, là bud ye tmaba ebéléu.

Isaya 64:6

Tódô kdê me gotu gemsalà. Igoen se tey hyu yóm gel nmò me ekni, moen se ni du ke mom tles nmò me yóm sidek? Lemwót bè yó kem salà me, hol lómón ke doun mékéng mung holis bè lenos yóm kmò me.

Jirimaya 30:14

Kdê yó kem wè ye tô tmóbóng kuy gotu sentagak le yu, là kô bud kenmón le kuy. Tey sidek yóm khaliu kuy lómón ke hol hohonu yu, abay se tey deng wen ne yó kem salà ye ne tey bong yóm nô ta ye.