Danyél 9:12 - Udél Dwata: Gna Kesfasad ne Lomi Kesfasad

¹² Deng dnohoem yóm deng tehe eles udélem eta me ne eta yó kem gónó me galak, duhen yóm kehwitem ebélê me yóm tey glumfak bong. Bè kdê yó kem dumu benwu dini talak tonok, laen dù bélê le deng gmumfak du he yóm glumfak Jirusalim ni.

Danyél 9:12 Referans Kwoze

Isaya 44:26

Okóm yóm dou tóbóng lówó, ke wen eles gel tulónen angat hdohou se yó. Ke wen tau hógówu mò tmulón yóm angat atulu, hol lemwót béléu se yóm tulónen yó ne angat hdohou. Ni udélu ebè yóm benwu Jirusalim, angat le bud mulék menwu bè yó, yó kem tauhen. Ne yó bud udélu ebè yó kem syudad bè benwu Juda, angat wen bud hmomi hemdà kul. Balù yóm deng tey kegbà le, botong bud baling lomi.

Sulat Pol Ebè Yó Kem Tau Hemtahu Bè Rom 15:8

Tódô tulónu kuy, deng hógów Dwata Krays mò tmóbóng yó kem Ju. Ne yó gónón dohò yó kem tehe fasaden bè yó kem tehe fù le ekni.

Kun Snulat Luk 21:22

Abay se yó yóm kdaw ktafak Dwata yó kem tau, ne gotu dohò eta le yó kem tehe deng eles tulón Dwata bè Sulaten.

Mark 13:19

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut kedlimun Dwata du yóm benwu, ne là se kô bud sneefen du ne.

Matyu 24:21

Abay se angat tey hlayam bong sok sut bélê ye yóm hlayam monu ni. Ni he yóm hlayam alì sidek bè kdéen hlayam deng sut bè tau lemwót bè hol kbut benwu, ne là se kô bud sneefen du ne.

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Sikaraya 1:8

Bè yóm kifu yó, wen hton Dwata do. Tonu yóm tau smakay kudà hulô, mdà lem blóng yó kem koyu mirtol bè yóm ngà datal. Ne wen kudà hulô ne kudà bulow ne kudà bukay tonu, bede hono wen smakay kul sentu yóm tau.

Sikaraya 1:6

Okóm tódô kdê yó kem hetgamahu kul hlanu bè yó kem tehe tóbóng lówóhu, duhen yó kem tugodu ekni, deng gotu gefet bè yó kem tehe fù ye. Omin le yó hegsel, mon le, ‘Ni se balà Dwata du yóm gel nmò tekuy yóm Dwata laen dù là gbeken du. Deng dnohoen yóm tehe deng monen.’ ”

Amus 3:2

“Bè kdê yó kem kmuleng talak tonok tek sónen yu yóm dou nélék. Yó gónóm mon là kô gbeku du ke là tnafaku kuy bè kdê yó kem sidek gel nmò ye.”

Juwél 2:2

Hol kdawen gmeeb kifu, kdawen mfól lobun ne mget kifu. Tódô muluk yó kem tey kwen le. Botong tódô baling kmifu ta yó kem bulul bè yóm ksut le. Laen deng hnikót sut he bè yóm kdaw gna ke lómónen ni ne laen se dù bud sut elem hulin kdaw.

Kem Udél Hlalak Tehe Selumun 8:16

Lemwót béléu se yóm khulung le mogot benwu yó kem tau gel malak ne yó kem tau smugung bélê le tedeng kmò le.

Kem Lingón 148:11

Hol dóyón ye Dwata se kuy kdéen tau hol geta mogot benwu, ne yó kem tau knamal le, kdéen ngà tau hol geta ne yó kem dumu tau wen glal le,

Kem Lingón 2:10

Duhen yó, yu kem tau hol geta mogot benwu yóm kmoen ni, hol hnungol ye dé yóm eles hetgamahu kuy. Hol henknol ye yóm monu ni.

1 Bok Kem Tau Hol Geta 3:9

Yó gónóm mon, hol benlayem ou khulung hedem anì hyu kwitu kul ni kem tauhem, ne anì hol dilóu yóm hyu bélê le ne yóm là hyuhen bélê le. Laen kô dù tau gembek mogot kul ni kem tey tau wen ni ke tek sotuhen?”

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.

Jirimaya 39:16

“Tulónem ke Ibid-mélék yóm tau lemwót bè Ityupya, monem mò du, ‘Yó udél yóm Dwata laen dù là gbeken du, yóm Dwata yó kem tau Israél, monen, Angat nmou bè nim syudad ni yó kem deng eles oluhu etahen. Wen tey heglumfaku du nim syudad ni, balù udì ke wen hyu mung du. Angat tonem se kóm yóm kegbaen.

Danyél 12:1

Yó bud udél yóm hógów Dwata mnes bukay, monen, “Bè yóm kdaw yó, angat msut lem blóng ye Maykél yóm geta bè yó kem hógów Dwata, mò mofin kuy kem tau Israél. Bè yóm kdaw yó, hol keglayam bong yóm angat glumfak yó kem tau Israél, keglayam là deng sulék gnóm tau du lemwót bè kbut benwu. Okóm bè yó kem kdaw yó, angat le gewà yó kem dumuhem Israél ke deng snulat lem yóm bok Dwata yóm kul boluy.

Sikaraya 7:12

Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”

2 Bok Kem Tau Hol Geta 22:16

‘Angat genlau nim syudad ni gomong yó kem tau nô lemen, ulitu bè yóm deng tulónen lem yóm bok lomi senfala yóm tau hol geta bè Juda.

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”