Danyél 9:10 - Udél Dwata: Gna Kesfasad ne Lomi Kesfasad

¹⁰ Là kô gel nimón me du yóm sana kum Dwata hol gónó mogot, abay se là gel lolò me du yó kem hlauhem kum deng hlanem ta yó kem tóbóng lówóhem, duhen se yó kem tugodem.

Danyél 9:10 Referans Kwoze

Danyél 9:6

Là hnungol me kul yó kem tau tóbóng lówóhem, duhen yó se kem tugodem kem tau tehe hudélem ebè yó kem tau hol geta me ne ebè yó kem sfu tau hol geta genlal bélê me ne ebè yó kem tehe fù me, dalang se ebè yóm kdéen tau tehe nô lem benwu me.

2 Bok Kem Tau Hol Geta 18:12

Ni se gfà yó kem tau Israél lemwót bè yóm là kimón le du yóm sana kul Dwata hol gónó mogot, deng mom nulé le yóm tehe kesfasad le Dwata, là bud lolò le du yó kem tehe hlolò Musis kul yóm tau tóbóng lówó Dwata. Là kô bud hnungol le du, ne là se kô nimón le du.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Jirimaya 32:23

Okóm bè yóm kkól yó kem tehe fù me na le e kwa yóm tonok ni là kô bud nimón le kóm, deng mom kenbê le yóm kóm hlau. Là kô nmò le du yó kem hloloem kul. Yó se gónóm heglumfak du kul nim tey hlayam le ni.