Danyél 8:9 - Udél Dwata: Gna Kesfasad ne Lomi Kesfasad

⁹ Lemwót bè yóm sotu bè nim fat kem hanga ni, wen sotu ngà hanga udì sut du ne tey kegbeken, tenfengen e subô ne fi dmata kdaw, lenngeben etu bè benwu Israél yóm benwu alì knóón.

Danyél 8:9 Referans Kwoze

Danyél 7:8

Yóm igou temngel yó kem hangahen, tódô tonu yóm sotu ngà hanga udì hesut gu lem blóng yó kem hanga yó. Gotu hekduten yóm tlu kem gna hanga mung du but le anì wen gónón mteg se kun. Yóm ngà hanga udì ni, wen matahen lómón mata tau ne wen sumóngen alì mudél heklabak.

Kem Lingón 48:2

Yóm bulul hol geta alì tilob, tey kehligal yó kem tau bè klamangen benwu bè yóm kton le du. Yóm Bulul Sayun, kun Bulul Dwata, yóm kun syudad yóm Alì Geta.

Sikaraya 7:14

Deng gotu senklahu lu lómón ke hfolisu lu ebè yó kem benwu mayuk, ebè yóm benwu là deng kul hnikót tngón du. Yóm benwu le tey hyu ne alì tilob, deng baling benwu laen dù bud tauhen, balù sotu ke wen bud mlan du, deng baling benwu là bud hyu menwu du.”

Jirimaya 3:19

Yó tehe nô bè nawahu,” mon Dwata, “yóm kmou bélê ye, lómón ke hol ngau yu. Kóyóu ke blayu kuy yóm hol tonok hyu, tonok hol knóón nfun bè klamangen benwu. Kóyóu ke taba ye dou ‘Mà’ ne là knogol ye dou.

Kem Lingón 105:24

Yóm knô le ditu, tey kehból Dwata kul, ne hekgisen lu senta yó kem tau Idyip hmohon kul.