Danyél 8:8 - Udél Dwata: Gna Kesfasad ne Lomi Kesfasad

⁸ Mom temnù kegbeken yóm kambing yó. Okóm bè yóm tey kegbeken yó, tódô tfok yóm tey hanga bongen. Bè yóm gónón mteg yóm hangahen tfok yó, tódô bud wen hesut du fat hanga bede tey móntóng. Ket hanga sal stólóng gónóhen e temdok, sotu temdok e mool, sotu temdok e subô, sotu temdok e dmata kdaw ne sotu e desdef.

Danyél 8:8 Referans Kwoze

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

Deng Hegfan 7:1

Kogolen bè yó, tódô tonu fat bè yó kem gel hógów Dwata gu bè longit, mdà le bè fat sokok tonok. Yó nmò le, fen henseng le yóm kógów lenos anì là tagaden mbel e talak tonok na a talak mohin ne ebè yó kem koyu.

Danyél 8:22

Yóm fat kem hangahen alì móntóng ktegen, yó kem tles mteg bè gónón tehe mteg yóm hanga bong deng tfok, hnigaden yóm kólólen bè fat yóm klamang benwu nogot yó kem tau Grik ne fat se tau hol geta mogot kul, okóm laen dù bélê le ke tô gemsenged yóm kun kfasang yóm hol gna tau hol geta mogot kul.

Danyél 8:5

Yóm igou temngel, tódô tonu yóm sotu kambing logi tódô temfasù hesut fi gu desdef, là kóen gemdà bè tonok botong ketlasiken. Nim kambing ni, wen sotu hangahen bede bong, tódô mteg lem blóng uyóhen.

Danyél 5:20

Okóm lemwót bè yóm alì kehegmónen ne kehgelen kuluhen, yó gónó Dwata ma du béléen yóm kogoten benwu ne mkó du béléen yóm kegetahen.

2 Tutul Israél 26:16

Okóm tikóng deng mbegel kegetahen, deng mom baling hegmón, ne yó se mit du btang. Deng gemsalà bè yóm Dwata kun gónó mogot lanen husek elem Gónô Dwata, ne tódô mtem insinsu ta yóm gónó le gel mtem insinsu bè yó lemen.

Mark 13:27

Ominen hewót yó kem gel hógówen gu bè longit mò na a semtifun yóm kdéen tau deng nélék Dwata bè klamangen benwu.”

Matyu 24:31

Ne angat tey uni féw bong gu bè longit mò ilô yóm kehewóten yó kem hógówen gu bè longit mò na a semtifun yóm kdéen tau deng nélék Dwata bè klamangen benwu.”

Danyél 7:6

Ominu bud mton kehesut yóm getlu ógóf lóbô mkél bè lipard. Fat hafaken lómón hafak onuk koyu. Yóm ógóf lóbô ni, botong fat kuluhen ne tey wen kwalis kmamal benwu blay le du.

Danyél 4:31

Yóm igoen tolo mudél, gungolen se yóm mudél gu bè longit, monen, “Ó Nibukadnisar, wen tulónu kóm. Là bud uu du ne mogot du yóm benwu nogotem.

Istér 9:4

Deng tey tótól bè klamang yóm benwu yó yóm alì kfasang Murdikay lemwót bè yóm alì kbong glalen bè yó bè gónô bong ne sónmoen temnù yóm glalen yó.

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Danyél 8:7

Nan e tódô dlu snukót bnunù yóm ubiha, botong gotu tfok yóm lewu hangahen. Là kóen dog gemmò yóm ubiha yó, tódô lugod yóm kambing, ominen smóyów mdà du elem tonok. Là kô wen gembek tmóbóng du yóm ubiha, bà mon yóm tey klóbô yóm kambing.