Danyél 8:5 - Udél Dwata: Gna Kesfasad ne Lomi Kesfasad

⁵ Yóm igou temngel, tódô tonu yóm sotu kambing logi tódô temfasù hesut fi gu desdef, là kóen gemdà bè tonok botong ketlasiken. Nim kambing ni, wen sotu hangahen bede bong, tódô mteg lem blóng uyóhen.

Danyél 8:5 Referans Kwoze

Danyél 8:21

Yóm kambing logi, duhen yóm benwu kul nogot yó kem tau Grik. Yóm hanga bong mteg lem blóng matahen, duhen yóm hol tanay tau hol geta kmamal yóm klamang benwu nogot yó kem tau Grik.

Danyél 8:8

Mom temnù kegbeken yóm kambing yó. Okóm bè yóm tey kegbeken yó, tódô tfok yóm tey hanga bongen. Bè yóm gónón mteg yóm hangahen tfok yó, tódô bud wen hesut du fat hanga bede tey móntóng. Ket hanga sal stólóng gónóhen e temdok, sotu temdok e mool, sotu temdok e subô, sotu temdok e dmata kdaw ne sotu e desdef.

Danyél 7:6

Ominu bud mton kehesut yóm getlu ógóf lóbô mkél bè lipard. Fat hafaken lómón hafak onuk koyu. Yóm ógóf lóbô ni, botong fat kuluhen ne tey wen kwalis kmamal benwu blay le du.

Danyél 2:39

Okóm kogol yóm kóm kogot, bud wen tau tles mogot yóm benwu nogotem, okóm là gsengeden kóm. Bud kogolen bè yó, wen getlu bud mogot benwu, duhen yóm tembaga angat gotu knamalen yóm klamang benwu.

Danyél 2:32

Yóm kuluhen, hono tahu blówón ne yóm kfuhen ne sigelen hono blówón bukay, ne yóm blututen ne hahahen hono tembaga,

Danyél 8:6

Yó nmoen, tódô dluhen yóm ubiha logi lewu hangahen mdà bè tubé yóm él yó koni.