Danyél 8:4 - Udél Dwata: Gna Kesfasad ne Lomi Kesfasad

⁴ Yóm ubiha tonu yó, kihu glebeten gotu snukóten. Tódô lemwót mlóy smoduk nan e mundug etu fi desdef, ominen bud smoduk nan e mundug etu mool, ominen bud smoduk nan e mundug e subô. Yó kem nundugen yó, là kô le gemmò béléen ne là kô wen tô mlos tmóbóng kul yó kem hensideken. Tódô beyen mò du yóm kun knóyô, mom temnù kfasangen.

Danyél 8:4 Referans Kwoze

Danyél 8:7

Nan e tódô dlu snukót bnunù yóm ubiha, botong gotu tfok yóm lewu hangahen. Là kóen dog gemmò yóm ubiha yó, tódô lugod yóm kambing, ominen smóyów mdà du elem tonok. Là kô wen gembek tmóbóng du yóm ubiha, bà mon yóm tey klóbô yóm kambing.

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Danyél 7:5

Ominu bud mton yóm gewu ógóf lóbô mkél bè bér. Bè ktonu du hlilil, bede deng eles daen bè tonok yóm lewu tihen ne wen tlu tiol lohok nangaen. Ne wen mudél ebéléen, monen, “Yó ne, hol hwenem unged tau nsékem.”

Danyél 5:30

Ne bè yóm kifu yó, lemwót Bélsasar yóm tau mogot yóm benwu Babilun hnatay le.

Danyél 5:19

Tey kehegeta Dwata du, gotu le likò du yóm kdéen tau bè klamangen benwu, balù kihu gónó le gu semfu, balù kihu benwu gónó le gu lemwót, ne balù kihu kay udél le. Botong setbol kkel le bè soluhen. Gbeken hmatay du kihu nóyô hnatayen ne gbeken se hlowil du kihu nóyô hlowilen. Gbeken se hegeta du yóm sotu tau nóyô hegetahen ne gbeken se mnok du elaan yóm sotu tau nóyô nnoken elaan.

Isikél 34:21

Yu kem ubiha mabù, deng mom tulud ye ne snukót ye lu yó kem dou ubiha wen des le lel le bitil efet le deng mom gotu sekla ebè yó kem benwu mayuk.

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

Kem Lingón 7:2

Ke là lenwaem dou nsék le ou, lómón ke liyun le, dyol le ou mayuk anì laen dù lemwà dou.

Dwata 33:17

Yóm Jusif, hol mkél bè kgis safì tudu. Yóm hangahen, mkél bè hanga yóm safì tudu alì mayal nô lem bnes. Kehlingónu du yóm hangahen yó, yó se yó kem hilu libu sfu Manasi, yóm ngaen twogu ne yó kem hilu folò libuhen sfu Ifraim, yóm ngaen twoli. Mlan bè yó kem hangahen yó, gotu snukóten yó kem dumu but benwu, gotu lohen lu efet kól bè són tonok.”

1 Bok Kem Tau Hol Geta 22:11

Yóm sotu bélê le boluyen Sidikaya ngà Kinaana, wen kem hanga bala tók nmoen, ne yó monen, “Ni se udél Dwata, Lemwót bè ni kem hanga ni gónóm tembek kul tu kem tau Aramiyan efet le gotu matay.”

Kem Lingón 44:5

Mlan bè kfasangem gónó me gembek mlo kul yó kem hohon me. Mlan bè boluyem gónó me gembek mdà kul elaan.