Danyél 8:3 - Udél Dwata: Gna Kesfasad ne Lomi Kesfasad

³ Yóm igou mdà bè yó, tódô tonu yóm tey ubiha logi bong mdà bè tubé yóm él, wen lewu hangahen bede tahà. Yóm sotu hangahen malù tahà senta yóm sotuhen, bede huli sut se kun yóm hanga tahà yó.

Danyél 8:3 Referans Kwoze

Danyél 8:20

Yóm ubiha logi lewu hangahen, duhen yóm lewu kem tau hol geta mogot yó kem kul benwu nogot yó kem tau Mid ne yó kem tau Pérsya.

Danyél 10:5

Bè yóm igou temngel tódô tonu yóm tau mnes bukay, hmilet tahu blówón.

Sikaraya 6:1

Ominu bud mkay ketngelu, tonu yóm fat klitun tók dyol kudà hewà lem blóng yóm lewu kem bulul hono tembaga futì.

Sikaraya 5:9

Ominu bud mkay ketngelu, tonu yóm lewu kem libun móyóng gu ditu, bede tey tahà yó kem hafak le mung le bè lenos. Nkay le yóm abì yó koni nwit le móyóng ete kmawang.

Sikaraya 5:5

Ominen hloni ebéléu yóm hógów Dwata stulón do yó koni, monen, “Temngeli eta, hnénégem yóm gu ditu yóó.”

Sikaraya 5:1

Bud nkayu bè yó ketngelu, tonu yóm klatas lenulun deng mból móyóng te kmawang.

Sikaraya 2:1

Timbow bud nkayu ketngelu, tódô tonu yóm tau mogot btes.

Sikaraya 1:18

Ominu mkay ketngelu, tódô tonu yó kem fat hanga ógóf.

Danyél 7:5

Ominu bud mton yóm gewu ógóf lóbô mkél bè bér. Bè ktonu du hlilil, bede deng eles daen bè tonok yóm lewu tihen ne wen tlu tiol lohok nangaen. Ne wen mudél ebéléen, monen, “Yó ne, hol hwenem unged tau nsékem.”

Danyél 6:28

Duhen yó, tódô lemwót bè yóm kogot Daryus yóm benwu Babilun efet yóm bud kun kogot bè Babilun Sayrus yóm tau lemwót bè Pérsya, tey tilob klowil Danyél.

Danyél 5:31

Yó bud tles mogot yóm benwu yó, duhen Daryus yóm tau Mid. Yó deng halay Daryus bè yóm kbut kogoten bè yó, nem folò lewu.

Danyél 2:39

Okóm kogol yóm kóm kogot, bud wen tau tles mogot yóm benwu nogotem, okóm là gsengeden kóm. Bud kogolen bè yó, wen getlu bud mogot benwu, duhen yóm tembaga angat gotu knamalen yóm klamang benwu.

Isaya 44:28

Ne ni, wen udélu ebè yóm sotu tau boluyen Sirus, monu mò du, ‘Angat wen tey hogotu kóm ne angat gotu nmoem yóm dou kóyô. Angat uu bud hefdà du yóm Jirusalim ne bud uu mbut hefdà du yóm Gónóu bè yó.’ ”

Istér 1:3

Bè yóm getluhen halay myón, wen tey ken bong nmoen bè kdê yó kem genlalen ne bè kdê yó kem tau wen hogoten kul. Gotu le nô bè yó se kul yóm kdê genlal bè yó kem sendalù bè Pérsya ne bè Midya. Dalang se yó kem gubérnor bè yó kem prubinsya nogoten ne yó kem dumu genlalen, gotu le stifun ebè yó se kul.

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

1 Tutul Israél 21:16

Temngel eta Dabid, ne tonen yóm hógów Dwata gu bè longit tódô mdà bè gónón sóól tonok ne longit. Wen sudeng ayayen eta Jirusalim. Yó nmò Dabid ne yó kem dumu tau gel malak yó kem tau Israél, lemsek le nes sakù mò gónó le hegfan yóm deng kebà nawa le, omin le lemfen bè tonok.

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”

Lista 24:2

ne tonen yó kem tau Israél kmamfù gu bè yó, tódô sbung hono kul ktol. Tódô sut bè Balaam yóm Tulus Dwata,

Deng Hegfan 5:6

Ominu yó mton yóm Ngà Ubiha mdà bè solu yóm myón bè yóm gónón myón kmamal, ne lem blóng yó kem fat mtulus, ne lem blóng yó kem tau tuha. Okóm bè yóm ktonu du, hol lómón ke deng wen tehe hmatay du. Wen hitu hangahen ne hitu se matahen. Yóm hitu yó, hnigaden yóm hitu kay kfasang yóm Tulus Dwata deng hógówen ebè klamang benwu.

Deng Hegfan 13:11

Kogolen bè yó, tódô tonu yóm sotu ógóf lóbô hesut gu lem tonok. Lewu hangahen lómón hanga ubiha, okóm yóm udélen, lómón udél swaga.

Danyél 8:2

Bè yóm ktonu du, ditu kun gónóhu nô bè Susa yóm hol yéen syudad bong bè prubinsya Ilam, bede mdae bè tubé Él Ulay.