Danyél 8:23 - Udél Dwata: Gna Kesfasad ne Lomi Kesfasad

²³ Ke deng moni yóm hol són yóm kul kyón yó kem tau hol geta yó ne ke deng gulé yó kem salà gel nmò le, wen sotu tau hol geta alì lóbô bud sut, yóm tau hol geta alì hulung smukat, du bud tles myón.

Danyél 8:23 Referans Kwoze

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

1 Timuti 4:1

Tey mtukul yóm eles kmonen du yóm Tulus Dwata yóm nmò yó kem dumu tau hulin kdaw. Tebel le yóm kul kehtahu, mom yó nimón le yó kem tulus kéng, ne yó kem tolok sekban lemwót bè kem busaw.

Danyél 7:20

Bud snólóku hnigad yóm sfolò kem hanga yóm gfat ógóf lóbô yó ne yóm sotu ngà hanga udì hesut huli, yóm hekdut yóm tlu gna hanga, yóm hanga wen matahen ne wen sumóngen alì mudél heklabak. Bè ktonu du yóm ngà hanga hesut huli yó, alì hegetahen knóen bè yó kem dumuhen.

Danyél 7:11

Tódô henlelu temngel abay se gungolu yóm ngà hanga udì tendo mudél heklabak. Ngangu temngel efet tonu hnatay le yóm gfat ógóf lóbô yó koni ne bot le elem ofi yóm lówóhen, tódô gotu mkekeb.

Danyél 7:8

Yóm igou temngel yó kem hangahen, tódô tonu yóm sotu ngà hanga udì hesut gu lem blóng yó kem hanga yó. Gotu hekduten yóm tlu kem gna hanga mung du but le anì wen gónón mteg se kun. Yóm ngà hanga udì ni, wen matahen lómón mata tau ne wen sumóngen alì mudél heklabak.

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Danyél 8:25

Tey hulung smukat, yó se gónón gel gemmò bè dumu tau. Tey kehegetahen knóen. Ofo kul mon du yó kem tau ke deng menek kbenwu le, anì monem yó se kdawen alì gemlà kul. Angat nwiten sgida yóm Geta bè yóm kdéen tau hol geta, okóm bè yó hol gónón meglà. Ne yóm keglaen, là lemwóten bè kul kgis yó kem tau.

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Matyu 23:32

Yó ne, henfu ye yóm nmò tehe nbut yó kem tehe fù ye, yóm là deng gdeng le du.

Dwata 28:50

Tey sidek klóbô le laen kô dù kodu le, balù ngà duhen ke tuha gotu hensidek le.

Lista 24:24

Lemwót le mówóng gu bè Siprus yó kem tau gemlà. Angat nled le Asirya ne Ibir okóm angat le bud meglà se kul.”

Kem Udél Hlalak Tehe Selumun 1:6

Bud bè ni kem udél ni gónó te gemtnef lan yó kem udél hlalak ngelem ne kem hlingón lemwót bè yó kem dumu tau hulung hedem.

Danyél 8:22

Yóm fat kem hangahen alì móntóng ktegen, yó kem tles mteg bè gónón tehe mteg yóm hanga bong deng tfok, hnigaden yóm kólólen bè fat yóm klamang benwu nogot yó kem tau Grik ne fat se tau hol geta mogot kul, okóm laen dù bélê le ke tô gemsenged yóm kun kfasang yóm hol gna tau hol geta mogot kul.

Danyél 8:24

Tey kemgis, okóm sundu hol kun tahu kegbek du. Angat tey wen genbaen ne kihu nóyô nmoen gbeken. Angat gotu genlaen yó kem wen kegbek le malak dalang se yó kem kun tau Dwata.