Danyél 8:22 - Udél Dwata: Gna Kesfasad ne Lomi Kesfasad

²² Yóm fat kem hangahen alì móntóng ktegen, yó kem tles mteg bè gónón tehe mteg yóm hanga bong deng tfok, hnigaden yóm kólólen bè fat yóm klamang benwu nogot yó kem tau Grik ne fat se tau hol geta mogot kul, okóm laen dù bélê le ke tô gemsenged yóm kun kfasang yóm hol gna tau hol geta mogot kul.

Danyél 8:22 Referans Kwoze

Danyél 8:8

Mom temnù kegbeken yóm kambing yó. Okóm bè yóm tey kegbeken yó, tódô tfok yóm tey hanga bongen. Bè yóm gónón mteg yóm hangahen tfok yó, tódô bud wen hesut du fat hanga bede tey móntóng. Ket hanga sal stólóng gónóhen e temdok, sotu temdok e mool, sotu temdok e subô, sotu temdok e dmata kdaw ne sotu e desdef.

Danyél 8:3

Yóm igou mdà bè yó, tódô tonu yóm tey ubiha logi bong mdà bè tubé yóm él, wen lewu hangahen bede tahà. Yóm sotu hangahen malù tahà senta yóm sotuhen, bede huli sut se kun yóm hanga tahà yó.

Danyél 7:6

Ominu bud mton kehesut yóm getlu ógóf lóbô mkél bè lipard. Fat hafaken lómón hafak onuk koyu. Yóm ógóf lóbô ni, botong fat kuluhen ne tey wen kwalis kmamal benwu blay le du.

Danyél 8:21

Yóm kambing logi, duhen yóm benwu kul nogot yó kem tau Grik. Yóm hanga bong mteg lem blóng matahen, duhen yóm hol tanay tau hol geta kmamal yóm klamang benwu nogot yó kem tau Grik.

Danyél 8:23

Ke deng moni yóm hol són yóm kul kyón yó kem tau hol geta yó ne ke deng gulé yó kem salà gel nmò le, wen sotu tau hol geta alì lóbô bud sut, yóm tau hol geta alì hulung smukat, du bud tles myón.

Sikaraya 6:1

Ominu bud mkay ketngelu, tonu yóm fat klitun tók dyol kudà hewà lem blóng yóm lewu kem bulul hono tembaga futì.

Danyél 7:7

Kogolen bè yó, ominu bud mton yóm hton Dwata béléu, bud hesut yóm gfat ógóf lóbô hol ógóf gónó likò, botonge kenkel mton du ne tey sidek kekgisen. Yóm nihihen hono bala tók lembang. Ya tey sidek kséken du yóm kenfóen ne yóm dù tebel gotu ndaen elem tonok. Tey stólóng bè yó kem dumu gna ógóf lóbô ne botong sfolò hangahen.