Danyél 8:2 - Udél Dwata: Gna Kesfasad ne Lomi Kesfasad

² Bè yóm ktonu du, ditu kun gónóhu nô bè Susa yóm hol yéen syudad bong bè prubinsya Ilam, bede mdae bè tubé Él Ulay.

Danyél 8:2 Referans Kwoze

Nihimaya 1:1

Ni se yóm bok gónó Nihimaya yóm ngà Hakaliya, tmulón du yó kem deng gendengen. Bè yóm gewuhen folò halay kogot Artasérksis bè Pérsya, bè yóm bulón bnoluy le Kisléb, ou Nihimaya nóe bè Susa yóm hol yê yó kem syudad bè Pérsya, bè yóm gónóhen nô yóm tau hol geta.

Istér 2:8

Timbow deng glalag yóm lomi atul yóm tau hol geta, ya tey dê ngà libun nwit le ebè Susa ne Istér sotu bélê le. Gotu sentnù le lu bè yóm gónô bong deng htólóng le bélê le ne Higay fen semgifà kul yóm tau fen snalig yóm tau hol geta, mò fen semgifà yó kem libun nfunen.

Tekang Kbuten 14:1

Wen fat kem tau hol geta mogot benwu na a mit sgida bè yóm limu kem tau hol geta. Yó boluy yó kem fat tau hol geta yó, Amrafél yóm tau hol geta mogot yóm benwu Babilun, ne Ariyok yóm tau hol geta mogot benwu Ilasar, ne Sidurlamér yóm tau hol geta mogot benwu Ilam, ne Tidal yóm tau hol geta mogot benwu Guyim. Yó nmò le, na le e gnida yó kem limu dumu tau hol geta. Yó boluy le, Bira yóm tau hol geta mogot benwu Sodom, ne Birsa yóm tau hol geta mogot benwu Gomora, ne Sinab yóm tau hol geta mogot benwu Adma, ne Simébér yóm tau hol geta mogot benwu Sibuyim, ne yóm tau hol geta mogot benwu bè Bila, yóm benwu bud bnoluy le Sur.

Danyél 8:3

Yóm igou mdà bè yó, tódô tonu yóm tey ubiha logi bong mdà bè tubé yóm él, wen lewu hangahen bede tahà. Yóm sotu hangahen malù tahà senta yóm sotuhen, bede huli sut se kun yóm hanga tahà yó.

Danyél 7:15

Ou se Danyél yóm mudél ni. Tey sbeweg kegnómu du bè yó kem deng tonu, botonge likò bè yóm deng hton Dwata do.

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

Istér 9:15

Bè yóm gesfoloen fat kdaw bè bulón Adar, bud le stifun yó kem Ju nô bè Susa ne botong tlu latu tau bud hnatay le. Bud senged snéen laen dù kimu nwa le bélê le.

Istér 9:11

Bè yóm kdaw yó, gotu tulón le bè yóm tau hol geta yóm kwen yó kem tau matay bè Susa.

Istér 8:15

Kewót Murdikay bè yó bè gónô bong yóm tau hol geta leseken yóm nes bè yóm kegetahen, yóm nes ginggung ne bukay ne bud wen nes tilob megem ginggung suen tahen. Hyu wen kuruna blówón alì knóón suub bè kuluhen. Bè yóm kungol le du yó kem tau bè yó bè Susa yóm lomi udin yó ya tey kehligal le.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Hibru 1:1

Tehe yu ekni, yóm Dwata tódô gel mudél ebè yó kem tau gnan tehe gónó tekuy gu semfu hlanen bè yó kem tugoden. Ne tey dê dulék Dwata mudél ebélê le, ne tey dê lanen mò du snéen.

Istér 7:6

Mon Istér se, “Yóm alì hmohon kum ne tô gemlà kum ni sem Haman nii, yóm tau alì sidek balu.” Tódô lemusék Haman lemwót bè yóm alì ksidek klikoen bè yóm igoen myón bè solu yóm tau hol geta ne yóm libun boi.

Istér 3:15

Lemwót bè udél yóm tau hol geta, gotu heglalag le yóm udin yó bè yó bè Susa. Ne bud nwit yó kem tau gel mit sulat alì hlóng ebè yó kem prubinsya. Okóm ke Sérksis kun lewu le Haman deng le mom seyón minum. Blaem yó kem tau bè yó bè syudad Susa ya tey sidek kesbeweg le.

Deng Hegfan 9:17

Bè yóm kehegfan le béléu, tódô tonu yó kem kudà ne yó kem tau smakay kul. Tódô le sket onit. Wen se onit hulô, hol lómón dilóf ofi. Ne wen se ginggung lómón yóm botu safar. Ne bud wen se lómón kbuda mélél. Yóm kulu kudà le, lómón kulu liyun. Són semfut gu lem bak le ofi ne kebel ne dilóf kbuda.

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Danyél 8:1

Bè yóm deng getluhen halay myón Bélsasar, bud wen hton Dwata do, ou se Danyél hol mton du. Ni se deng gewuhen dulék kwen htonen do.

Danyél 10:4

Bè yóm gewuhen folò fat kdaw bè yóm tanay bulón, mdae bè kilil yóm él bong boluyen Tigris.