Danyél 8:19 - Udél Dwata: Gna Kesfasad ne Lomi Kesfasad

¹⁹ Ominen mon du, “Ni nógówu naw e tulón kóm yóm angat kmoen yóm kdaw angat ksut yóm lebut Dwata. Yó kem deng tonem, hnigaden yóm angat kmoen yó kem hol són kdaw.

Danyél 8:19 Referans Kwoze

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.

Deng Hegfan 17:17

Yó gónó le mò du yóm yó, abay se monem tódô nmò le yóm deng kun kehlan du bélê le Dwata. Angat tódô sensotu Dwata kehedem le anì tódô gotu blay le bè yóm lóbô yó yóm glal le mogot benwu. Ni se angat gónóhen e dohò yóm deng tehe kun olu du Dwata.

Deng Hegfan 15:1

Ominu yó bud mton yóm sotu tey hentaw ton gfan te kmawang, ne tey sidek ketngahu du. Wen yó kem hitu hógów Dwata sket kul mit hlayam, yó kem hol són hlayam mò heglumfak Dwata yó kem tau talak tonok, abay se lu mò són yóm kebut Dwata tau.

Deng Hegfan 11:18

Tey sidek kebut le kóm yó kem tau là hemtahuhen, abay se deng hto ne yóm kóm kdaw tmafak kul, ne yóm butengem kmukum yó kem deng matay. Deng hto snéen yóm butengem bemlay ofol bè yó kem tau tehe tóbóng lówóhem, duhen yó kem tehe tugodem, dalang se yóm kdê tau kmikò kóm, lemwót bè yó kem tau hol geta kólen bè yó kem tau glaan. Deng hto snéen yóm butengem gemlà kul yó kem tau deng tehe mamà tonok.”

Deng Hegfan 10:7

Sok mféw yóm ghitu hógów Dwata, tódô nmò Dwata ne yóm atul tehe bunihen ekni, yóm tehe fasaden bè yó kem tehe tugoden, yó kem tau tehe mò tóbóng lówóhen.”

Deng Hegfan 1:1

Nim bok ni, gotu nô lemen yó kem angat sut talak tonok deng eles hegfan Jisas Krays. Deng gna hegfan Dwata béléen anì tles bud hegfanen bè yó kem tau tóbóng lówóhen. Ne duhen yó, gotu hegfan Krays bè Jan, yóm sotu tóbóng lówóhen, hlanen bè yóm sotu hógówen gu bè longit.

Danyél 8:23

Ke deng moni yóm hol són yóm kul kyón yó kem tau hol geta yó ne ke deng gulé yó kem salà gel nmò le, wen sotu tau hol geta alì lóbô bud sut, yóm tau hol geta alì hulung smukat, du bud tles myón.

Kun Snulat Luk 21:23

Kodu le yó kem libun mlutut bè yó kem kdaw yó,” mon Jisas, “dalang se yó kem libun tolo semlé ngà. Angat tey hlayam bong sok sut bè nim benwu ni yóm hlayam monu ni, ne angat tey sidek ktafak Dwata yó kem Ju.

Kem Lingón 102:13

Angati mdà nam e knodu Jirusalim, ne ni se yóm kdaw bang kmodu du, ni se yóm kdaw deng fasadem nam e któbóng du.

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”