Danyél 8:15 - Udél Dwata: Gna Kesfasad ne Lomi Kesfasad

¹⁵ Duhen yó, ou se Danyél. Bè yóm hanà tolo lelu hemdem du lanen yóm hton béléu yó, tódô tonu yóm lómón tô tau kmoen mdà bè soluhu.

Danyél 8:15 Referans Kwoze

Danyél 10:16

Ominen lemwót yóm lómón tô tau ktonu du nduen sumóngu, ominu yó gudél. Yó udélu ebè yóm mdà bè soluhu yó, monu, “Ó Sér, tey sidek klikou du yóm deng hton Dwata do, botonge lenmek.

Deng Hegfan 1:13

Ne bud tonu se yóm mkél bè tau mdà lem blóng le. Ne gnut te hólól tihen yóm nesen, ne wen blówón sminang nô bè kfuhen.

Danyél 10:18

Ominen bud mogot dou yóm lómón tô tau yó koni, tódô gnómu bude mgel.

Deng Hegfan 13:18

Là kô gbek tau hemlan du nim ni ke là hulungen hedem. Okóm ke wen ketngónen, gbeken gmileb du lanen yóm lemilu yóm lóbô tanay sut yó, abay se yóm lemilu yó, hnigaden boluy tau. Yó lemiluhen, 666.

Mark 13:14

Bud mon Jisas, “Angat wen ton ye yóm alì sidek knikò, tódô mdà bè Gónô Dwata, yóm tô matù ke Dwata.” Yóm tau semfala du nim ni, hol hennagien kmò klanen. “Ke sok kól yóm kdaw yó, eles le mlóy elem bulul ne yó kem tau menwu bè prubinsya Judiya.

Mark 4:12

‘Anien he ke gel ton le, là kô dilô le du. Baluen he ke gel gungol le, là kô glileb le du. Ke yó dum glileb le, kaem semfulék le ebè Dwata, ne hnifóten bélê le yó kem salà le.’”

Matyu 24:30

Ominen yó he angat gfan gu bè longit yóm kun ilô yóm Ngà Tau. Bè yóm kton le du, tódô kentihen tau talak tonok, gotu le dmumu mkik lemwót bè khuli sel le. Tódô ton le se yóm Ngà Tau htuntun gu tta mung bè lobun. Ne ton le se yóm tey kfasangen ne yóm tey kegetahen.

Matyu 24:15

Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.

Matyu 13:36

Kewót Jisas bè yó, tnagaken yó kem tey tau wen, ominen husek elem gónô. Mógów le ebéléen yó kem gel lemolò du, ne mon le mò du, “Tulónem kum kun lanen yóm hningónem bè yóm halay wen kluon gbol lemen.”

Danyél 12:8

Gungolu yóm udélen, okóm là hol getnefu du yóm monen. Yó gónóhu smólók du, “Ó Sér, tedu gónón e kól du yóm kdéen ni?”

Danyél 10:5

Bè yóm igou temngel tódô tonu yóm tau mnes bukay, hmilet tahu blówón.

Danyél 7:28

Yó se sónen yóm hegfan Dwata béléu, ou se Danyél hol mton du. Tey sidek klikou du botonge bukós, okóm tódô suu lem hendemu yóm deng tonu ni.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Juswa 5:14

“Là,” mon yóm tau yó. “Ou se kmandér bè yó kem sendalù Dwata.” Tódô lemfen bè tonok Juswa lanen heglaan knóen béléen, monen, “Ó Sér, ou se tau tóbóng lówóhem. Tedu se hmoem dou du?”

Danyél 8:1

Bè yóm deng getluhen halay myón Bélsasar, bud wen hton Dwata do, ou se Danyél hol mton du. Ni se deng gewuhen dulék kwen htonen do.

Danyél 8:19

Ominen mon du, “Ni nógówu naw e tulón kóm yóm angat kmoen yóm kdaw angat ksut yóm lebut Dwata. Yó kem deng tonem, hnigaden yóm angat kmoen yó kem hol són kdaw.

Sikaraya 1:9

Ominu smólók yóm hógów Dwata gel stulón do, “Ó Sér, tedu nmò le yó kem kmudà yó?” Bnalaen se o, monen, “Toloku kóm.”