Biblia Todo Logo
Bib sou entènèt

- Piblisite -




Danyél 8:13 - Udél Dwata: Gna Kesfasad ne Lomi Kesfasad

13 Ominu mungol yóm lewu hógów Dwata stulón. Snólók yóm sotu, “Ke deng dohò yóm hnigad ni kem deng hton Dwata ni, mò kegenen yóm ketefloken du yóm gel kedsù le ket kdaw? Kegenen se yóm kehegnok le du yóm Gónô Dwata lan le gel hemsù bè yó yóm alì sidek? Kmò kegenen yóm kdaen du e laan yóm Gónô Dwata ne yó kem tau Dwata?”

Gade chapit la Kopi




Danyél 8:13
38 Referans Kwoze  

Okóm béem homong bentes yóm gu hilolen, abay se deng tódô gbayà bè yó kem tau là Ju le. Ne bè yó bè Jirusalim, yóm kun syudad Dwata, tlu halay sóól kegen le angat mò gida.


Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”


Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”


Yóm tau mogot benwu angat sut yó, angat wen tey senfasad le yó kem tau lem yóm benwu yó lem yóm hitu halay, hol kesfasad mget. Okóm hanà tolo sóól yóm hitu halay, nmoen sónen yóm gel kedsù le ebè Dwata yó kem tau ne yó kem dumu gel blay le du. Yóm alì sidek bè kdê yóm gel nmò yóm tau angat sut yó, mom hdaen bè yóm Gónô Dwata yóm alì sidek bè yó efet yóm kkok Dwata etahen yóm tafak mò hol gemlà du, yóm deng eles olu Dwata etahen.”


Bè yóm igou temngel du yóm koyu yó, tódô tonu se htuntun gu tta bè longit yóm sotu hógów mit tulón, yóm alì mólós.


Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.


Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.


Ni se mò lanen hol temgel kuy anì hol ye gulit ne mólós ke mdà ye bè solu Dwata yóm Mà tekuy, bè yóm kdaw angat kesfuléken edini yóm gónó tekuy mogot, mung du yóm kdê kun tau.


Ne yó bud mon Jisas, “Ke sok deng ton ye senibut kem sendalù nim syudad Jirusalim ni, là hewuhem du deng kdawen meglà ne.


Bud mon Jisas, “Angat wen ton ye yóm alì sidek knikò, tódô mdà bè Gónô Dwata, yóm tô matù ke Dwata.” Yóm tau semfala du nim ni, hol hennagien kmò klanen. “Ke sok kól yóm kdaw yó, eles le mlóy elem bulul ne yó kem tau menwu bè prubinsya Judiya.


Bud mon Jisas, “Bè tehe kegenen du Danyél ekni, yóm sotu tau tehe gna tugod Dwata, eles tulónen yóm angat mdà bè Gónô Dwata yóm alì sidek knikò, yóm natuen Dwata. Yóm tau semfala du yóm ni, hol hennagien kmò klanen.


Mi se yó kem tau deng hetfingem mò kóm nfun. Okóm deng lo le mi gu bè kum benwu yó kem hohon me. Tek likót me mfun du yóm Gónóem. Okóm ni, deng gotu genbà yó kem hohon me.


Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.


Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?


Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.


Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.


Angat ye mlan bè yóm datal ni bè yóm klóy ye, abay se gefet ditu bè Asal yóm datal ni. Tódô ye gotu mlóy lómón yóm tehe klóy yó kem tehe fù ye ekni bè yóm tehe kbel linol bong bè Juda bè yóm tehe kun kogot Usiya. Ominen yó, sut yóm sana dou Dwata hol gónó mogot, mung du yóm kdê gel hógówen.


Snólóku yóm hógów Dwata gel stulón do, “Boluyen se yó du?” Bnalaen se ou, monen, “Yó kem hanga yó, hnigad le yó kem benwu alì mfasang fen semkla yó kem tau bè benwu Juda ne bè benwu Israél ne bè Jirusalim.”


Tódô lemwóten bè yóm kdaw kwen hemseng du yóm gel kedsù ye ebè Dwata, yóm kdaw kehdà le lem yóm kun Gónô Dwata yóm dwata kéng alì sidek bè yó, yó kegen ye alì mò du glayam botong lemibu lewu latu syóm folò (1,290) kdaw.


Yó bud monen mò dou yóm hógów Dwata yó, “Yóm gfat ógóf lóbô yó, hnigaden yóm gfat angat sut mò mogot yóm klamangen benwu ne tey stólóng bè yó kem dumu mogot benwu. Gotu somoken yóm klamang benwu, gotu ndaen ne gotu lenunahen ke wen dù tebel.


Yó nmou, hlonihe ebè yóm sotu mdà klohok yóm bangkù gónón myón kmamal, snólóku béléen lanen yóm kdê tonu yó. Tahu se, gotu tulónen do yóm hnigaden, monen,


Ominem mton yóm sotu mit tulón, yóm alì mólós htuntun gu bè longit. Yó udélen, monen, ‘Nofok ye nim koyu ni, hol gotu nufók ye. Okóm tebel ye yóm tuhoden, benkes ye bala tók ne tembaga futì bè buten, omin ye tódô mayà du lem bnes anì sónmoen tendo wos bè amù. Hitu halayen tendo slomong bè yó kem ógóf lem bnes.’


Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.


Laen dù ton me mò ilô yóm kehewaem kum. Laen dù bud tugodem tebel lem blóng me. Laen dù bélê me temngón du ke kilón kdengen nim glumfak me ni.


Ne yó balaen du yóm hógów Dwata yó, monen, “Moen du ke snólókem boluyu? Baluen ke tulónu kuy, là kô glileb ye du.”


“Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.


Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.


Bud mon Jisas mò kul, “Deng gotu tódô hkem Mà dou kdéen. Là kô wen tau temngón du yóm Ngà Dwata, tek són Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.”


Kegenen de, Dwata, yóm tódô kbayaem kul hemnê kóm yó kem hohonem? Laen kô dù sónen ne kô yóm tódô kbayaem kul là madat du yóm kóm boluy?


Gungolu yóm udélen, okóm là hol getnefu du yóm monen. Yó gónóhu smólók du, “Ó Sér, tedu gónón e kól du yóm kdéen ni?”


Bè yóm igou hlilil bè gónóhu tungô wen hton béléu, tonu yóm tey koyu bong mteg bè gónón sóól tonok. Tey koyu tahà.


Swiv nou:

Piblisite


Piblisite