Danyél 8:12 - Udél Dwata: Gna Kesfasad ne Lomi Kesfasad

¹² Lemwót bè yóm sidek alì nmò yóm hanga yó, wen se bè yó kem dumu tau Dwata hnatayen. Kkólen bè yóm gel kedsù le ebè Dwata ket kdaw, gotu kóhen. Tódô gotu nmò yóm hanga yó yóm kun knóyô. Ndaen elaan yóm ktahuhen.

Danyél 8:12 Referans Kwoze

Jirimaya 12:1

Ó Dwata, ke wen klamohu béléem sal tedeng yóm kukumem du. Ni wen snólóku béléem mò knukumem. Moen de kul yó kem tau mò sidek ke tilob kógów klowil le? Moen de ke gel le hligal yó kem tau là tedeng kmò le?

Isaya 59:14

Mom henseng me yóm kukum tedeng. Là kóen gehloni ebélê me yóm tedeng. Là bud gungolem du bè yó kem tau gel bemtad lem fedyan ne yóm ktahuhen. Laen kô bud tonem bè yó yóm tau laen dù kéngen.

Deng Hegfan 13:7

Ne na tódô bayà Dwata du snéen yóm kwiten sgida bè yó kem tau Dwata ne yóm fen katuen bélê le. Na hlun bud bayà Dwata du se yóm kwalisen mogot kul yó kem tau lemwót bè ket ból tau ne bè ket kay udél ne bè ket but tau.

Danyél 8:4

Yóm ubiha tonu yó, kihu glebeten gotu snukóten. Tódô lemwót mlóy smoduk nan e mundug etu fi desdef, ominen bud smoduk nan e mundug etu mool, ominen bud smoduk nan e mundug e subô. Yó kem nundugen yó, là kô le gemmò béléen ne là kô wen tô mlos tmóbóng kul yó kem hensideken. Tódô beyen mò du yóm kun knóyô, mom temnù kfasangen.

Kem Lingón 119:142

Yóm ktedengem, Dwata, laen kô dù tul sónen. Ne hono tahu yó kem hlauhem.

Kem Lingón 119:43

Hol benlayem o khulung mudél du yóm ktahuhem, yakà bè kem hlauhem du gónón wen nefet nawahu.

1 Samwél 23:9

Okóm tikóng tngón Dabid yóm katul Sol du yó, yó monen mò ke Abyatar yóm tau blóng ebè Dwata, “Nwitem edini yóm ifod anì tngón te yóm kóyô Dwata bélê te.”

Kem Lingón 28:5

Là kô dog kenmón le du yóm kdê deng nmò Dwata, yóm kdê deng nmò tdoken. Yó gónóm mon, angat gotu genlà Dwata lu lómón kegbaen yóm gónô deng bolok, là kô bud gbek hdà du.

Danyél 7:21

Yóm igou temngel, lemwót yóm ngà hanga udì yó mit sgida bè yó kem kun tau Dwata ne gemmò bélê le