Danyél 8:1 - Udél Dwata: Gna Kesfasad ne Lomi Kesfasad

¹ Bè yóm deng getluhen halay myón Bélsasar, bud wen hton Dwata do, ou se Danyél hol mton du. Ni se deng gewuhen dulék kwen htonen do.

Danyél 8:1 Referans Kwoze

Danyél 7:1

Bè yóm tanay halay kogot Bélsasar yóm benwu Babilun, wen kna Danyél ne wen hton béléen bè yóm igoen hlilil bè gónón tungô. Gotu snulaten yóm knahen yó ne ni se yóm tonen.

Danyél 10:7

Tek sotuhu Danyél mton du yóm hton Dwata béléu ni. Yó kem dumuhu mung do là ton le du se kul, okóm wen gnóm le ne tey sidek klikò le botong le mlóy mebel gónó le hebnos.

Danyél 10:2

Ou Danyél mon du yóm ni. Bè yóm kdaw ktonu du yóm hton Dwata béléu yó, deng tlu fedyanu ne tendo langag.

Danyél 9:2

bè yóm tanay halay kogoten yó, ou se Danyél hemnagì du yóm udél Dwata deng hsulaten yó kem tugoden. Wen tonu bè yóm kun snulat Jirimaya yóm sotu tau tugod yóm sana kum Dwata hol gónó mogot. Yó tonu hitu folò halayen deng kegenen gbà yóm benwu Jirusalim.

Danyél 8:15

Duhen yó, ou se Danyél. Bè yóm hanà tolo lelu hemdem du lanen yóm hton béléu yó, tódô tonu yóm lómón tô tau kmoen mdà bè soluhu.

Danyél 7:28

Yó se sónen yóm hegfan Dwata béléu, ou se Danyél hol mton du. Tey sidek klikou du botonge bukós, okóm tódô suu lem hendemu yóm deng tonu ni.

Danyél 7:15

Ou se Danyél yóm mudél ni. Tey sbeweg kegnómu du bè yó kem deng tonu, botonge likò bè yóm deng hton Dwata do.

Isikél 1:1

Bè yóm deng tlu folò ne halayu wen hton Dwata do. Htonen do bè yóm glimuhen kdaw bè yóm gfaten bulón bè yóm halay yó bè yóm knóu lem blóng yó kem dumuhu negef lemwót bè Juda nô bè kilil Él Kibar bè Babilun. Bè yóm kdaw yó tódô tonu hnas longit ne hton Dwata do yóm kun kmò.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Danyél 8:2

Bè yóm ktonu du, ditu kun gónóhu nô bè Susa yóm hol yéen syudad bong bè prubinsya Ilam, bede mdae bè tubé Él Ulay.