Danyél 7:9 - Udél Dwata: Gna Kesfasad ne Lomi Kesfasad

⁹ Yóm igou temngel, wen kem bangkù gónó myón kmamal sù le bè yó ne myón tahen yóm Tuha Laen Dù Buten nan e kmukum. Yóm nesen ne yóm weken hol lómón kbukayen snu, hol bukay bè kdéen. Yóm bangkù gónón myón kmamal hono dilóf ofi, là skasen tendo dmilóf yó kem klilingen.

Danyél 7:9 Referans Kwoze

Deng Hegfan 1:14

Yóm weken, hol lómón kbukayen yóm nes alì bukay. Ne yóm lem matahen hol lómón ke dilóf ofi.

Mark 9:3

Yóm nesen, tódô gotu sminang bukay, laen kô dù gónóm e hmingón du talak tonok yóm alì kbukayen.

Matyu 17:2

Bè yóm knô le bè yó, tódô sfili kton le ke Jisas. Yóm lem uyóhen hol lómón nóng mata kdaw, ne yóm nesen tódô gotu sminang bukay.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Danyél 7:22

efet kkólen bè yó yóm Tuha Laen Dù Buten nan e kmukum lem blóng le. Bè yóm kkukumen kul, nfihen yó kem kun tau yóm Dwata hol dandónen geta. Ominen yó he sut yóm kdaw khogoten du kul yóm klamangen benwu.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Deng Hegfan 19:18

Géhél ye na ye e tnukô unged yó kem tau matay bè gida, yó kem tau hol geta ne yó kem geta bè yó kem sendalù, ne yó kem sendalù le. Tnukô ye unged yó kem kudà ne yó kem tau smakay kul, ne unged yóm kdéen tau, tau klifen ne yó kem tau là klifenen, yó kem tau hol geta kólen bè yó kem tau olo leneken, gotu tnukô ye unged le.”

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.

Kul Nmò 2:30

Du se sotu tehe tugod Dwata ekni, ne tngónen yóm tehe fasad Dwata du, ne tey kehget Dwata du yóm fasaden yó, monen, ‘Angat wen semfu gu béléem mò tles mogot yó kem nogotem.’

Hbakuk 1:12

Ó Dwata, yóm hol dou gónó mogot yóm laen dù belenen, uu se yóm sana Dwata laen dù buten ne laen dù sónen, là kói na a matay se kóm. Yó kem tau Babilun yó, yó kô oluhem kul lu gemlà kum? Là. Là kô gbekem du yó, abay se uu yóm Dwata gel mofin kum. Okóm yó nmoem deng nélékem lu mò tmafak kum ne mò hemtedeng kum.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Kem Lingón 90:2

Gu laanem là deng dmimun du yó kem bulul ne yóm klamangen benwu, deng sana kem yó ne yóm keDwatahem, ne laen kô dù sónen yóm keDwatahem yó.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Kem Lingón 45:8

Yóm nesem, boohen yóm hboo alì minggel boluyen mira ne alus ne kasya. Bè yóm knóem lem yóm gónô bongem klóónen yóm sotu ngom bukay alì mebtes, hfungol le kóm uni yó kem kenbit le mò hmigal kóm.

1 Jan 1:5

Ni sii yóm deng tehe gel gungol me tulón Jisas, yóm Ngà Dwata, ne ni se yóm bud heglalag me bélê ye: Lómó kmoen kun yóm Dwata, lómón ke yóm layag, ne laen kô bang bolen kifu bè yóm layag monu yó, bà udì.

Matyu 28:3

Tey mnóng lem uyóhen yóm hógów Dwata yó, hol lómón ke mkal silà, ne tey sminang bukay yóm nesen.

Deng Hegfan 4:2

Ne tódô sen-gengen se nô béléu yóm Tulus Dwata. Ne tódô tonu se bè yó bè longit yóm bangkù gónón myón yóm fen kmamal, ne tonu se yóm myón tahen.

Deng Hegfan 20:4

Ominu yó bud mton yó kem bangkù gónó le myón yó kem tau benlay le glal kmukum. Bud tonu se lóyóf yó kem tau deng tehe hnatay le lan le tmulón yóm ktahuhen tehe tolok Jisas, ne lan le tmolok Udél Dwata. Ni kem tau ni, là kô hentahu le du yóm lóbô tanay sut. Dalang se yóm lennged hmoen, là kô hentahu le du. Ne là se henmóyô le du yóm kun ilô yóm lóbô, yóm gel nmò le lem uyó le duhen ke te henmù le. Ni kem tau tehe hnatay le ni, gotu le bud mowil, ne gotu le mung kmamal bè Krays bè yóm lemibu halay.

1 Bok Kem Tau Hol Geta 22:19

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

2 Tutul Israél 18:18

Omin Mikaya bud mon du, “Ni hol hnungol ye yóm udél Dwata. Tonu Dwata myón bè yóm gónón myón kmamal bè longit, mdà klohoken yóm kdê gel hógówen, wen se fi bè kwananen, ne wen se fi bè iwóngen.

Isikél 1:26

Fi ta yóm ketef sminang bukay yó wen tonu lómón ke bangkù gónó myón kmamal nô du, nmò le lemwót bè yóm botu ginggung alì sminang. Ne wen tonu lómón tô tau myón tahen.

Kem Lingón 93:2

Lemwót bè hol kbuten, Dwata, tey mbegel yóm kkamalem yóm klamangen. Gu laanem là deng mbut du yóm kdéen, deng sana kem yó ne yóm keDwatahem.

Isaya 6:1

Bè yóm halay katay yóm tau hol geta bélê me boluyen Usiya, tódô tonu Dwata myón bè yóm gónón myón kmamal, tey kegetahen. Yóm nes tahà gedyol huli du klóón yóm alì kegetahen, botong gefet bè doli yóm Gónô gónóhen nô yóm ktahaen.