Danyél 7:7 - Udél Dwata: Gna Kesfasad ne Lomi Kesfasad

⁷ Kogolen bè yó, ominu bud mton yóm hton Dwata béléu, bud hesut yóm gfat ógóf lóbô hol ógóf gónó likò, botonge kenkel mton du ne tey sidek kekgisen. Yóm nihihen hono bala tók lembang. Ya tey sidek kséken du yóm kenfóen ne yóm dù tebel gotu ndaen elem tonok. Tey stólóng bè yó kem dumu gna ógóf lóbô ne botong sfolò hangahen.

Danyél 7:7 Referans Kwoze

Deng Hegfan 13:1

Ne tódô tonu se yóm sotu ógóf lóbô hesut gu lem mohin. Hitu kuluhen, ne sfolò hangahen. Ne sket wen kuruna bè yó kem hangahen, ne tódô ket kuluhen gónóhen gsulat yóm udél hemnê ke Dwata.

Deng Hegfan 12:3

Ne wen sotu bud hentaw ton tonu ditu te kmawang. Wen tey klambaden swaga hulô tonu, hitu kuluhen, ne sfolò hangahen. Ne sket wen kuruna yó kem hitu kuluhen.

Deng Hegfan 17:12

Yó hnigaden yó kem sfolò hanga yóm lóbô yó, duhen yó kem sfolò tau hol geta là deng wen knamal le he ni kmoen ni, okóm angat wen glal kmamal benwu blay le kul anì mung le kmamal bè yóm lóbô tanay sut yó. Bede tek sotu urasen yóm kkamal le yó.

Deng Hegfan 17:7

Okóm mon yóm hógów Dwata mò do, monen, “Moen ke alì hentawem? Tulónu kóm hnigaden nim libun ni ne yóm ógóf lóbô snakayen, yóm wen hitu kuluhen ne sfolò hangahen.

Danyél 8:10

Ngangen temnù yóm kegbeken efet gefet bè yó kem blotik, yó kem kun sendalù Dwata. Wen se bè yó kem blotik yó tudaen ete tonok, gotu snóyów ndaen lu.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

2 Samwél 22:43

Gotu lenunahu lu efet le meblibù lómón kfung, gotu ndau lu elaan efet le lemuna lómón hitok bè yó kem lan.

Deng Hegfan 17:8

Yóm ógóf lóbô tonem yó, tehe mowil te tonok, okóm deng matay. Bede móyón bud sut ne ni lemwót gu lem yóm tey sol leyóng. Okóm bè yóm ksuten, angat tudà le elem lanaw ofi mò sónen. Angat tey kehtaw le du yó kem tau te tonok bè yóm kton le du. Hentaw le, abay se tehe mowil, ominen matay, ne ni bud sut. Yó kem tau hemtaw du yó, duhen yó se kem tau là gsulaten yóm kul boluy bè yóm bok lowil tehe snulat le gu laanen là deng wen benwu he.

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Danyél 8:22

Yóm fat kem hangahen alì móntóng ktegen, yó kem tles mteg bè gónón tehe mteg yóm hanga bong deng tfok, hnigaden yóm kólólen bè fat yóm klamang benwu nogot yó kem tau Grik ne fat se tau hol geta mogot kul, okóm laen dù bélê le ke tô gemsenged yóm kun kfasang yóm hol gna tau hol geta mogot kul.

Sikaraya 2:1

Timbow bud nkayu ketngelu, tódô tonu yóm tau mogot btes.