Danyél 7:4 - Udél Dwata: Gna Kesfasad ne Lomi Kesfasad

⁴ Yóm tanay ógóf lóbô tonu hol lómón ke liyun, bede wen hafaken lómón tô hafak banug. Yóm igou temngel, tódô wen kemtos kemdut du yóm hafaken ne tódô hdà le eta bè tonok yóm lewu tihen lómón kdà tau ne wen nawa tau blay le du.

Danyél 7:4 Referans Kwoze

Isikél 17:3

Hgefetem bélê le nim udél lemwót bè yóm sana Dwata hol dandónen geta, yó monen, ‘Wen sotu tey banug bong sut bè Libanun. Ya tey ktahà hafak nbólen, bede tey segkay yó kem betek bulen. Yó nmoen, nogoten yóm hanga koyu sidar hol tnulunen,

Matyu 24:28

Angat dohò nim tulónu kuy ni. Lómón yóm gel mon le, ‘Yó se gónón mta lób, yó se gónón e sguku wak.’ ”

Danyél 4:36

Bè yóm bud kuléken ebéléu yóm sana kehedemu, bud mulék ebéléu snéen yóm kadat le do yó kem tau nogotu ne bud mulék ebéléu yóm kegetahu ne yóm benwu nogotu. Bud le mógów ebéléu yó kem tehe genlalu ne yó kem fen gel hemlan béléu udél na le e hmungol udél béléu. Ne bud hulék Dwata ebéléu yóm kegetahu bè yóm benwu nogotu ne mom temnù kfasangu senta yóm gnan.

Kem Lingón 9:20

Heslafem lu bè klikò le, Dwata. Hegnómem kul olo le tau tonok se kul.

2 Samwél 1:23

Yóm Sol lewu le Junatan, kem tau alì knóón, tey dê kembong nawa kul. Slomong le mowil, ne slomong le matay. Ke sfatay le, tey le metlasik senta yó kem banug, ne tey le kemgis senta yó kem liyun.

Dwata 28:49

Angat wen sotu but tau hwit Dwata ebélê ye lemwót bè yóm benwu bè hol són tonok mò gmida kuy, yóm benwu là deng kuy hnikót tngón du udél le. Yóm kmò le kuy, hol lómón ke semkot kemfô yóm banug.

Deng Hegfan 13:2

Yóm ktonu du nim ógóf lóbô ni, kbongen yóm sotu ógóf lóbô lem bnes boluyen lipard. Okóm yóm tihen, lómón ke ti bér, yóm sotu ógóf lóbô lem bnes. Yóm sumóngen, lómón sumóng liyun. Yó nmò yóm swaga nô bè kilil mohin yó koni, gotu blayen yóm kun kfasang ne yóm tey kwalisen mogot benwu bè yóm sotu ógóf lóbô lomi hesut gu lem mohin.

Danyél 7:5

Ominu bud mton yóm gewu ógóf lóbô mkél bè bér. Bè ktonu du hlilil, bede deng eles daen bè tonok yóm lewu tihen ne wen tlu tiol lohok nangaen. Ne wen mudél ebéléen, monen, “Yó ne, hol hwenem unged tau nsékem.”

Danyél 2:38

Gotu hkamalen kóm yó kem tau bè klamangen benwu. Là són du tau knamalem, bud gotu homong hkamalen kóm yóm kentihen ógóf lem bnes ne kentihen onuk koyu, gotu hkamalen kóm. Uu se yóm kulu blówón tonem yó.

Danyél 7:12

Ne yó nmò le bè yóm tlu kem dù ógóf, nwa le bélê le yóm kwalis le, okóm na le bud hlowil lu likót.